تنازلت عن حلم حياتي والآن يريد أن أتنازل عن بيت الزوجية

عمري 20 عام كنت ادرس ضيافه طيران مخطوبه لدكتور صيدلي عمره 25 في بينا مشاكل كتير بس احنا بنحب بعض جدا المشكله بسبب انه رافض دراستي وشغلي في الطيران بسبب رفض اهله مع ان في بدايه خطوبتنا كان موافق وقارني بين وجوده في حياتي وبين الطيران وفعلا اختارته واتنازلت عن حلمي وكل ما افتكر بزعل جدا بس هو قال انه هيعوضني علشان انا اختارته لكن المشكله اتكررت دلوقت علي مكان السكن بعد الجواز هو عايز يقعدني في بيت عيله في الريف اللي هو عايش فيه مع انه وعدني ان جوازنا هيبقي في بيت مستقل في مدينه اللي انا عايشه فيها . وده كان حلمه بس اهله رافضين جدا ومش عايزينه يتجوز بعيد عنه مع ان المسافه بينا قريبه جدا في السفر . وهو كمان مش قادر مديا انه يشتري بيت دلوقت لانه في بدايه حياته وبيفتح صيدليه ودلوقت بيقارنوا بين وجوده في حياتي وبين السكن وانا مش قادره اتنازل تاني تعبت وقولتله هستناك لما تقدر تجيب شقه هنتجوز لاني مش هقدر اعيش هناك في البيت اللي باباه بانيه انا كده غلطانه !؟ انا فعلا مش هقدر اتنازل طول الوقت عن حياتي اللي رسماها لنفسي والمفروض هما يتنازلوا شويه . اهله قالوا خلاص يا تتجوزي عندنا او مافيش جواز وانا مش قادره ابعد عنه ووالدي برضو قال لو متجوزتش في المدينه زي ما وعدها مافيش جواز اتصرف ازاي !؟ وهو بيكلمني يقولي اتنازلي وانا مش قادره ... هو اتعود ان انا اللي اتنازل علشان بحبه لكن مش قادره ايه الحل !؟