حلمت أني في السيارة ومرتدية عباية سوداء

حلمت اني بكون بالسيارة مع شخص وهاد الشخص بالحقيقة بشتري من عندو مكياج وابيعطيني مكياج ببلاش اوقات المهم بشوف نفسي راكبة معو بالسيارة وماشيين وبدو ياخدني لمكان المحل فابقللو ونحن ماشيين بالسيارة وين المحل هوي بقللي هون المحل بكون عم يكذب اخذني لمكان مجهول مش المحل وبكون الوقت بالليل والدنيا سودا وظلام كتير فبفتح باب السيارة وبحمل اغراضي بإيدي وهوي عم يمشي وابكون بدي نط من السيارة بستناه ليوقف فلما بوقف بقوم بينزل من السيارة بكون جايي لعندي بقوم انا بنزل من السيارة وبهرب وبدخل على بيت فيو وحده عجوز لابسة عبايه سودا بتقللي اختي ساره مافي غيرها معها سيارة خذي مفتاح السيارة منها لنهرب بستأذن من العجوز لأخد منها مفتاح السياره اول شي مابترضا بعدين بقلها الله يخليكي عطيني ياه بعدين بتضحكلي وبتقللي عم امزح معك خذيه بتعطيني ياه انا بنبسط وبتشكرها كتير وانا عم اتشكرها بحط ايدي عكتفها وابطبطب عليه وابقلها شكرا الله يجزيكي الخير وابروح انا واختي وانا بفكر انو نحمل نحمل طاولة البلازما تبع التلفزيون معنا بعدين بقول لا مابتوسع بالسيارة ليش لنحملها وبعدين بقول اختي سارة يلي حتسوق . الحالة الاجتماعية :متزوجة ولدي طفلة