حلمت بشخص من أقارب أمي جاء زيارة لبيتنا ورفضت السلام عليه

السلام عليكم ورحمه الله وبركاته حلمت كأنه في شخص من قرايب امي جانا زياره في بيتنا وامي واهلي كلهم راحوا المجلس سلموا عليه اللا انا كنت مستحيه ومارحت عنده وجات امي تقولي قومي البسي شرشف الصلاه حقك وروحي سلمي عليه حتى لو ماتبغي تطولي بس من عند الباب وانا قلت ماقدر مستحيه مررره وكنت خجلانه كيف ادخل عند رجال واهلي كلهم عندي اخواني وابوي وامي يقنعوني اروح اسلم ماذكر في النهايه رحت له ولا لا المهم بعدين اشوف كانه نزل مطر غزير وكل الشوارع تحت عمارتنا مليانه مويه كذا منظرها زي مويه البحر لون غامق يخوف واشرف بيتنا كمان غرق بالمويه البلكونه والمطبخ والغرفه وكنت امشي وانا خايفه من لون المويه لا اغرق فيه وبعدين رحت البلكونه وفتحت غطا البلاعه وشفط كل المويه وخلصت من البيت باقي قليل مرره بعدين اشوف في حرمه وبنتهاعمرها صغير يعني ٧سنوات جاووا عندنا انا قلت لابوي ليش دخلتها البيت انا ماحبها ومو مستعده لانها دايما تمشي باشارع بدون عبايه وتوقف مع الاولاد مو محجبه قال بس تجلس شوي وتمشي وجيبت لها الاكل رز ودجاج وبنتها صغيره كانت تاكل وهي كمان وجيبت لهم كوبين عصير تانج مع الاكل قلت عشان تبردي واكلوا ومشيوا انتهى انا عزبا ٣٣