حلمت أني في الجامعة وكنت أنتظر الساعة العاشرة ليأتي خطيبي

السلام عليكم انا انثى اول اسم حليمة العمر 30 سنة وضع الاجتماعي مخطوبة شفت الحلم بالليل وانا نايمة حلمت انا بالجامعة بس الواقع انا ما درست الجامعه بشوف اني بالجامعه بكون عم استنا الساعة تصير عشرة مشان يجي خطيبي ونشوف بعض بعدا بتصير الساعه عشرة بفكر اني لطلع لشوفو بس بنشغل وما بيكون فيني اطلع بتصير الساعة عشرة ونص بقول انو خطيبي رجع عالبيت هلق بروح لعندو عالبيت بوصل تحت بيتون بشوف رجال قرايب خطيبي قاعد عالبلكون بقول بقلبي خليني روح لطرف التاني مشان ما يشوفني بعد بروح لطرف التاني بشوف مرت اخو لخطيبي عالبلكون التاني عم تنشر غسيل بتخبى من هي كمان بقول خلي ما تشوفني بس بالواقع بيت خطيبي في بلكون واحد بعد بوصل على باب مبنى البيت بقول هاد مو باب بيت خطيبي بقول طلعت كتير خربطت برجع لروح عبيت خطيبي بوصل لباب بيت خطيبي كان في تلت طرق لوصل طريقين مسكر ببواب وطريق التالت تراب وعم يطلع مي من تحت الارض متل لون التراب الابيض ما بيكون في افوت للبيت بعدا بشوف امي وخالاتي بيقولي رجعي عالبيت ما فيكي تمري برجع عالبيت بضل قدام باب البيت بيكون بيتنا وبيوت الجيران اصغر مالواقع بس ما بفوت و بشوف في قدام بيتنا بيت وفيو جيران غرب رجال ومرا و ولادو هنن بالواقع مو جيرانا وما بعرفون و ورا بيتنا في بيت تاني بروح عليه قدام باب البيت بشوف في شجرة تفاح على بلكون بيكون عالارض وبيكون عالشجرة في تفاحة وحدة فقط كبيرة ولونا احمر بمد ايدي وبقطفا وكان في تحت شجرة التفاح عالارض تقريبا عشرين حبة رمان كبيرة وبشيل حبة رمان كبيرة مالارض وباخد معي التفاحة والرمان بعدا برجع عالبيت