حلمت أني مع أحد أولادي لا أتذكر من هو كنا في السيارة

رؤية السلام عليكم ورحمة الله وبركاته رأيت أني مع احد أولادي لا اتذكر من هو منهم بالضبط لكن كنا بالسياره وطالعين على طريق مرتفع وكانها تله عاليه ووقفنا وكان فيه منزل ولكن بمكان نازل وسبقني ولدي وفجاه طلع واحد وكأنه ولد أخو زوجي إسمه سلطان وكان طويل وأبيض وشعره ناعم وقاصه كابوريا وجاء وسلم علي وحبيته وكان معي فروة اللي تجي زي البشت بس ثقيله وبها فرو وشلتها ولقيتها مطرزه على الوجه الاول وقلبتها ولقيتها كمان مطرزه على الوجه الثاني وقمت حطيتها على كتوفه وكان بها طربوش وحطيته على راسه وقام قال ادخلي مع هالباب ودخلت وقابلتني زوجة اخوه إسمها فوزية وكاني استحيت قلت توها والده وانا ما جبت لها هديه ولمست جيبتي وكان بها فلوس قلت اللي بها اعطيها اياه ودخلتني بمجلس وكان البيت صغير فقلت لها ليش نقلتوا هنا انتوا توكم سكنتوا بيت جديد وكبير وكانها قالت لي السبب بس ما فهمت وقامت تاشر قالت هالبيت ما به الا غرفتين شوفي وصغير وهذا المجلس وراه على طول مجلس الرجال لا تتكلمون بصوت عالي يسمعون الرجال والمجلس كان فاضي بس كان فيه حريم يبغون يجون بالنسبه للفروة نفس فروة بنتي اصغر وحده عمرها ٢٨ سنه غير متزوجه بالواقع بس مو مطرزة مع الجهتين ولد اخو زوجي وعيلته علاقتنا معهم مو تمام ما نتواصل كثير الا بالمناسبات بيننا مشاكل قديمه وهو غير متزوج متقاعد وعمره فوق الأربعين انا عمري تقريبا ٦٠ متزوجه ولدي ابناء وبنات جميعهم فوق ٢٥ سنه كلهم متزوجين ما عدا بنتين و ولدين البنتين أعمارهن ٢٩ و٢٨ والأولاد ٣٦ و٢٦