حلمت بامرأة ضخمة جداً تلبس جلباب لونه أسود وأشارب بيج

في حلم بتكرر معي كتير وخصوصا باوقات المصائب والشدائد وهو انو بشوف مراة ضخمة جدا ولابسة جلباب لون اسود او كحلي غامق واشارب لون بيج ووجهها لونو اسود بس عيونها مميزات وحلوات كتير هاي المراة بتطلعلي وبخاف منها كتيييير وكل الناس بتفكرها منيحة وما حد كاشف انها سيئة الا انا بتكون لطيفة مع الكل وعيونها بتلمع لمعة البراءة بس لما تطلع فيي هاي اللمعة بتصير بتخوف وكلها حقد شديد وكره وقهر كتير كتير  ما بتحكي معي ولا كلمة بس بفهم من عيونها شو بتحكيلي بتكون تحكيلي انها بتحقد عليي ومش حتسيبني وبضربها وبنتفها وبوجعها بس ما بتروح وبنادي خالي بيجي بيضربها وبتهرب بس بتقول بعيونها انها حترجع وتنتقم هلا انا متزوجة وفي مشاكل كبيرة بيني وبين زوجي ورجعت حلمت فيها انو انا قاعدة بين اهلي وهي بتحكي والكل بحبها فاتطلعت جهتي وعرفتها من لمعة عيونها وانصدمت انها هي هاي ! واتخبيت عشان ما تشوفني وتعرف اني عرفتها وقولت بيني وبين حالي بدي انادي خالي يجي يضربها علما انو حلمت بعد صلاة استخارة وكانت زمان عيون المراة هاي تطلعلي بحية وقتلتها بعدها صارت تطلع بشكل هاي المراة