حلمت أني تزوجت ابن خالتي في المنام

انا متزوجه وزوجه ثانيه وفي مشاكل بيني وبين زوج بسبب ظلمه ليا عشان بيته الاولاني المشاكل دي كدب عليا فيها كتير وظلمني وازاني نفسيا لدرجة خليتني بعد مكنت بحبه حب شديد جدا معتش فارق معايا كسر قلبي بجد ووجعني كتييير اوي المهم قبل موصل للمرحله دي كنت حلمت ان في مشاكل بينا واني اعتبرت نفسي اتطلقت خلاص واتجوزت ابن خالتي مع العلم ان مفيش اي حاجه في الواقع بيني وبين ابن خالتي غير القرابه فقط واني اتصالحت معاه في الحلم وبقيت متجوزه اتنين وكنت خايفه جدا لجوزي يعرف اني اتجوزت واحد غيره وكنت عايشه مع الاتنين ولكن من ورا جوزي وحسيت ان ايه اللي انا بعمله ده كده غلط ولازم اتطلق لحسن جوزي يعرف وصحيت من الحلم النهارده بقي حلمت ان ابن خالتي راح يخطب واحده وبابا راح معاه وقالتله يا انا يا زوجتك لانه هو متزوج اصلا انا بس اللي ابقي علي زمتك وهو رفض ورجع عندنا في البيت وقاعدين انا وبابا وماما وخالتو قولتله طلقني لان لو جوزي عرف حتبقي مصيبه وكارثه وكمان قانونا دي مصيبه جامده وحرام وكده لكن هو بصلي كده ومردش لا بإيجاب ولا بسلب لا وافق ولا رفض وكنت زعلانه من نفسي اوي اني ازاي اعمل حاجه وحشه كده في الحلم