حلمت ان لابسه فستان بنفسجي وعليه من الوسط حزام

حلمت ان لابسه فستان بنفسجي وعليه من الوسط حزام صغير اصفر ولبست عليه عبايه سوداء وطرحه وكنت عايشه مع أهل مش اهلي وكنت بقول لواحدة ياماما وهيا مش أمي وخرجت من البيت ووقفت فلقيت بنت بشعرها ولابسه ضيق فأنا كان شعري في الحلم اسود وطويل وناعم زي شعر الحصان فحبيت اقلع العبايه علشان ابينلها ان شكلي احلا منها فلقيت ولد من ورايا لابس جينز ازرق وتي شيرت ابيض نص كم بس وشه مش واضح زعق فيه وقالي خليكي بعبايتك دي احلى حاجه وبعدين رحت بيت عند ناس مش عرفاهم وكنت بفضي شنطه معايه عندهم الشنطه كانت مليانه خبز وبعدين اخدت بنتين صاحبه البيت ونزلنا جبنلها ورد ورجعنا عندها وراحو البنات يدولها الورد بس ماانتبهت ونبهتها فراحت فرحت وحضنت بناتها وبعدين رجعت بيتي ووقفت قدام المرايا بالفستان البنفسجي وبقول هو شكله عادي وفيه قطعتين صغيرين ومش واضحين بس مش مشكله وصحيت انا كنت عايشه في السعوديه كنت متعودة على لَبْس العبايه بس لما جيت بلدي مش بلبسها ومش بلبس فساتين عندي ٢٥سنه وغير متزوجة