رؤية اطلاق لنار والانفجارات بالمنام

السلام عليكم ورحمه الله حلمت انى كنت فى الشارع وشوفت ناس كتير شايلين شكاير اسمنت وبعدها ناس ماسكه زجاجات كتييييره وناس ماسكه عصيان وبيقولوا فيه ثوره وبعدها ضرب نار وانفجار هائل وطلعت اجرى روحت البيت قولت لاختى وماما كان البيت ده فى مكان تانى غير بيتنا الحقيقى واختى قالت انا هروح ادور على اخوكى محمد قولتلها هروح معاكى ملحوظه اخى مريض صرع فى الحقيقه ٣٥ عام ولقيناه جاى فى الشارع ماسك صينيه وكوبايه ولابس بنطلون وقميص كبار عليه وبعدين شوفت نفسى قدام المرايه بلف الطرحه علشان اروح الشغل وانا متأخره ومش عارفه الفها من طول شعرى وكتره كان شكله حلو قوى وكبير كان ديل فرس وانا بحاول الفه كحكه تحت الطرحه ببص لقيت جارنا راجل كبير فى السن جايب صنيه كبيره عليها سمك وسوشى ورز من كل الانواع وافخمها واختى وامى بياكلوا منها انا اكلت قطعه صغيره منها السمك السوشى علشان كنت متأخره وبقول الساعه ١١ وانا لازم اروح الشغل ولقيت واحده من زمايلى فى الشغل جايه تقولى متعرفيش مهند ابن الجيران فين اصله اتلحوس من هباب الفرن وامه ظلمت ناس تانيه ومش لقيينه انا عزباء ٣٠ عام