تفسير حلم سماع صوت الأب المتوفي في المنام

والدى متوفى من 6 شهور و حلمت بيه .. كنت قاعدة فى البيت وخطيبى ناسى تليفونه معايا واتا مستنياه يكلمنى من اى مكان ... على الساعة 11 بليل لقيته بيتصل بيا من موبايل والدته .. وبقوله ايه اتاخرت عليا كل دة ليه فلقيته زهق عليا وفجاة سمعت صوت بابا برة الاوضة بيزعق مع ماما ... انا بقيت مصدومة عشان مش مستوعبة ازاى سامعة صوت بابا وهو الله يرحمه ... قولت لخطيبى ثوانى وخرجت برة الاوضة لقيت بابا فعلا واقف بيزعق لماما وعمال يقولها انا كنت شايلها هنا بتحركوا الحاجة من مكانها ليه ... انا كل دة مش مستوعبة هو ازاى قدامى ... كل الى قولته قعدت اعيط واقوله انت واحشنى اوى يا بابا انت وحشتينى اوى ... وهو يقولى بابا مين انا مش المفروض ابقى هنا دلوقتى اصلا " ومان بيتكلم بغضب عمرى ما شوفته بيه ووشه كان غضبان بطريقة بشعة وشكله متغير " .... وانا بقيت مستغربة انه بيقول كدة وفجاة ببص جمبى لقيت حد تانى " بابا بردو " وبيقولى هششش كانى مش عاوزنى اتكلم انى شايفاه بس الشخص دة كان شكله قلقان ومكسور بس بعدها لقيت بابا الى كان متعصب بيجرى وانا وماما وخطيبى " ظهر فجاة " بنجرى وراه ... بس وصحيت من النوم محضوضة. انا مش عارفة ازاى انا بابا رجع البيت وهو متوفى ... وكمان اشوفه شخصيتين واحد غضبان وواحد موجود فى نفس المكان هادى وخايف ... ارجوكوا انا عايزة اعرف التفسير ضرورى عشان مش فاهمة حاجة جزاكم الله خيرا