ما تفسير رؤية زوجة أخي الحامل في منامي

السلام عليكم جزاكم الله خير ، رايت بالمنام كاني بمكن مثل بر وفيه استراحات وكان فيه مطار كنت امشي ولقيت مرت اخوي (حامل بالشهر الاخير بالحقيقه ) معها الدكتوره  ورحت سلمت عليها وفجاه شفت بنت اخوي الثاني الصغيره وكانت تمشي وخذتها لاني خفت تضيع وجلست امشي بها بمكان مهجور كان فيه درج طويل ومحيوس زي اللي مترب وعليه مويه ومظلم شوي مو مره يعني اشوف كانت بنت اخوي خايفه وانا ماسكتها بقوه وخايفه عليها شوي طلعت لي بنت خالي اللي بنفس عمري فالت لي من هذي قلت بنت اخوي ابي اطلعها من هنا خايفه مشت هي قدامي ةصلت عند جدار مكسور وجلست اتفرج شوي ثم طلعنا مع باب وحنا نمشي كان فيه ناس كثير جالسين وخفت يقولون اني خاطفه البنت لان المكان كان يخوف قلت لبنت خالي شسوي فجاه شفت من بعيد عمي من الرضاعه رحت له قلت انت عمي صح صدقني انها بنت اخوي وشوي يوم قربت له صار الشيخ محمد العريفي قلت له انت تعرف عائله فلان وفلان اقصد عوائلنا قال ايه قلت له اسم ابوي المتوفي قال ايه والنعم به قلت والله اني بنته قال لاتكذبين قلت والله وربي يشهد علي وهذي بنت اخوي قال اذا صرتي كاذبه ياويلك راح تاخذين جزاك واذا صادقه بتزوجك .. شوي جاء عمي وخذانا كلنا انا وخواتي ودانا لشاليه وكانت السياره كبيره مره ومرتفعه نشوف اللي جوا الشاليه قالت اختي خلونا نوسع صدرنا معهم شوي تقصد عماني وعمي كان ساكت وانتهى الحلم ، انا متزوجه من عشر سنين لدي طفله ..