كيف أستعيد نفسي وأنجح بعد فشل؟

السلام عليكم انا طالبة جامعية وعمري 23 سنة مشكلتي اني ضيعت نفسي بالوهم والحزن ونفسي اتغير وحصل معي هاد الفصل انه رسبت في مادتين في الجامعه وهاد الاشي رح يخليني اتأخر تخرجي للفصل الصيفي السنة الجاي بس انا صدقا تعبت نفسي ارجع احب الحياة نفسي ارجع انجح واتميز شو اعمل وهيك بكون اتأخرت عن زميلاتي بالتخرج وانا المفروض اتخرج من قبل سنة في بعض الاحيان بحكي الحمد لله يمكن خيره لاني كنت من الاوائل والي صار معي ما بتمناه لكافر فجأة اتغيرت حياتي وما كنت قادرة افكر باشي ولا كان عندي قدرة اتحمل اي ضغط بس حاليا انا ارجعت اشتغلت على نفسي والحمد لله بفضل رب العالمين وجدت نفسي احسن وحتى علاماتي في المواد الثانيه كتير عالية بس هدول المادتين الي رسبت فيهم انا قصرت وما درست يعني المشكله من عندي ولكني حسيت حالي اتأثرت لاني بس بدي اتأخر فصل زيادة ومع هيك بحاول اقنع نفسي بلكي تأخيري لحتى ارجع اجتهد واتميز واكمل ماجستير بحاول احكي لنفسي انه هاي فرصة علشان اتميز واثبت نفسي وبحاول احكي انه الله بعرف قديه تعبت في حياتي وبده يعطيني كمان فرصة جديدة لحتى اثبت واحقق نفسي وانا مهما صار معي واثقه بالله ومتوكله على ربنا بس نفسي ترجع شعلة الحماس فيني والله ازا في بداية عمري هيك بكرا لوين رح اوصل ؟ صح عندي مشاكل كتير وصح خذلوني اقرب الناس الي وصح ابكيت كتير وانجرحت كتير بس لساتني واثقه من ربنا انه بكرا احلى وعندي امل انه في يوم من الايام رح احقق الي نفسي فيه بس كيف ارجع اثبت نفسي من بعد الفشل وبصراحه اليوم اول مره بحياتي حسيت اني اتصالحت مع الفشل وحتى في صلاتي حمدت الله وحسيت انه عنجد الفشل بداية النجاح بس كيف اغير فكرتي عن اني اتأخرت مع انه صاحباتي الي تخرجوا ما بشتغلوا ودايما قاعدات في البيت ساعدوني الله يسعدكم