أتمنى أن أبكي لكي أرتاح

مرحبا، مدري اذا بتشوفين رسالتي ولالا لكن عمومًا بجاوبك، بكل صدق فعلًا انتي واجهتي احداث قوية جدًا وأتوقع فيه تفاصيل وأحداث أكثر ماكتبتيها، أول شي افصلي الماضي عن الحاضر، لأنك لما تفكرين بكل احداث الماضي السيئة وكل الأحداث الحالية كذا بيسبب لك ضغط نفسي قوي عليك، حاولي تسوين لك قناعه ان الماضي انتهى بخيره وشرّه، الألم والغضب والمشاعر السلبية مالها فايده ولا بتغيّر اي شي بالماضي مجرد تفكير وضيقه ودوامه، الماضي ناخذ منه دروس عشان نبتعد عنها بالحاضر والمستقبل، اعرف هذا الشي صعب لكن فيه طُرُق معيّنه تتخذينها عشان تساعدك في تقبّل الماضي.اول شي حطّي في بالك انك قوية وماتحتاجين لأحد وانتي كاملة سواء بوجود أحد ولا بدون أحد، ولاتحتاجين ان يمدحك شخص ومو شرط اذا تنمّر عليك شخص يعني كلامه صحيح، كله سوء أدب وسوء تربية في بعض الناس ويطلع منهم التنمر او الأفعال اللي صارت لك منهم، أعتقد عندك قلة شهيّة للأكل او شهيّة قويّة على غير طبيعتك، وممكن آلام في الجسم قلب مثلًا او عضلات او نغزات، برضو ممكن يكون عندك تفكير زايد وصعوبة بالنوماذا كان هذا الشي صح سوي فحص فيتامين د و بي ١٢ برضو اذا عندك كُره للحياة او كُره للناس وعدم الثقه فيهم وكُره لنفسك وأفكار انتحارية وأفكار مستمرة وسلبية وبكاء مستمر توجهي لأخصائي او اخصائية نفسية، (تطبيق لبّيه - تطبيق قريبون او اي تطبيق او موقع موثوق) اونلاين وبسرية تامة وهذا الشي مهم جدًا اتمنى تاخذين هذي الخطوة لأن منها راح تخليك تمشين على المسار الصحيح.انا فيني اكتئاب وفاهم وعارف وضعك واعرف اللي تمرّين فيه صعب جدًا لكن صدقيني روحي خذي كم جلسة عند اخصائية نفسية وراح تشوفين الفرق والتحسّن القوي قبل الاستشارات وبعدهاوياارب تخرجين من الفترة اللي انتي فيها وماتشوفين شر وان شاء الله تقرين رسالتي وتستفيدين منها ولو قليل.