أشعر بلا مبالاة بعد طلاقي

اشعر بلا مبالاه بعد طلاقى...عندى ٢٣سنة،جميلةجدا ،موظفة ،قبل جوازى كنت مشرقة وبحب الحياه ومتفائلة جدا ان كل الحياه حلوة .بس اتجوزت واحد زميل لى فى عملى ،كنت بعشقه مع انى ما كنتش اعرفه قبل الخطوبة ،لكن بعد الخطوبة اتعلقت بيه وحبيته وجعلته محور حياتى ،بس هو اهانى وعملنى بكل سوء وانا مكنتش قادرة اسيبه ،فضل يبهدل فيا لما شبع وضربنى وجرحنى وضحك عليا وقالى انه مزنوق واخد فلوسى،وكان بيلمحلى انه هيبيع الشبكة ،كنت بقول معلش كان وقت غضب ويروح بس اكتشفت انه ده اسلوبه عصبى لابعد الحدود لو اختلفنا ممكن يضربنى لساعات متواصلة ويقولى مش هتشوفى امك تانى وهحبسك واعاملك زى الخدامة ،ماستحملتش مرة فمرة لقيت نفسى من غير ما احس بكلم اهلى واستغيث من كتر وجع جسمى من الضرب.المهم روحت لاهلى وطلقونى على الفور بعد معرفتهم بكل اللى عمله فيا، ااااااااااااااه من الوجع اللى حاللى حاساهفى الانسان اللى حاللى كان حبيبى وصديقى وزوجى واخويا وابويا كنت بعامله كانه كانى مكانىغيره.انا بقيت حاسة بلا مبالاه و انى عايشة من غير فايدة كان السنين مرت بيا ،علما ان فترة زواجى كانت شهر واحد بس . حياتى باظت مالهاش طعم تعبت ،مكتئبة جدا ، حاسةانى متهمة انى تطلقت بعد شهر وانا كمان لسة صغيرة ، كل ما اتعرف على ناس جديدة بيستغربوا لسة انسة ولما يسالونى اذا كنت مرتبطة اقولهم انى منفصلة بيستغربوا ، امى قالتلى لما يسالنى حد عن الموضوع اتكلم واقول عمل ايه فيا علشان ادافع عن نفسى لانه اكيد هيتكلم عنى بالسوء قدام الناس خاصةان احنا زمايل فى الشغل لكننا فى فروع مختلفة. فسمعت كلام ماما وكم واحدة ستات كبيرة سالونى وروحت قولتلهم معاملته سيئةوبيضربنى وكدا يعنى ماحكيتش تفاصيل طبعا