شعوري نحو صديقي غريب، فما الحل؟

السلام عليكم انا شاب فالجامعة عمري ٢٠ سنة قبل ابدأ حبيت اوضح انا ماني شاذ ولا لي فالشذوذ ولا قد مارست الجنس مع احد والحمدلله مواظب على صلاتي واحفظ اجزاء من القران وان شاء الله اني من اهل الخير لكن مشكلتي مو هنا . انا مشكلتي بدأت من ايام المدرسة انا انسان ماعندي اصحاب كثير ومعدودين على الاصابع وعلاقتي بهم مو ذاك الزود والناس اللي مايعرفوني يقولون انا شايف نفسي بس اصدقائي يقولون لا. انا خلصت المدرسة وانتقلت لمدينة جديدة عشان اكمل الجامعة ولا اعرف فيها احد بس عندي بعض الاقارب هناك. وفالجامعة ما تعرفت الا على اثنين وهم يعرفون بعض من زمان ولكن مشكلتي اني انطوائي ولا احب الاصحاب وفنفس الوقت احسهم اصدقاء سوء ولا ابغى اماشيهم ولكنهم هم يحتكون فيني بزيادة ويبغوني اماشيهم وعلى الجانب الاخر واحد منهم وسيم جدًا وانا عاجبني وودي اصير صاحبهم والولد ذا اليوم اللي يكلمني فيه انبسط واللي مايكلمني فيه ازعل وانفس وقاعد احس بصراع داخلي ابغى بس ما ابغى ونفسيتي متأثرة مرة ومو عارف وش اسوي لاني احس اني ما اقدر اعيش بدونه وفنفس الوقت ابغاه يبعد عني . للتوضيح ما ابغى اسوي معه شي بس احس بانجذاب ناحيته وابغى اقعد اسولف معه على طول . واعتذر على الاطالة اتمنى تفيدوني