أغار على زوجي من الجميع وخائفة أن أخسره

سلام عليكم..متزوجة من سنتين من رجل مطلق وعنده ولدين عمره ٢٩ وانا ما طعمني ربي بعيال ..مشكلتي اني متعلقة بزوجي وايد اذا غاب عن البيت بحاتيه وبشك وايد وما ارتاح الا لمن يرجع البيت واذا نام بشتاقله بسرعه وبظل فوق راسه حتى يصحى ويقعد وياي واذا صار بيننا اي مشكلة تتأزم نفسيتي وبقاطع الاكل والطلغة وكل شي وبسوي اي شي علشان يرضى ويحاكيني وبغار وايد من اولاده من طليقته من ثيابه من خواته من كل شي حتى خالته وقت تجي تزورنه بغار منها اذا سلمت عليه واذا حاكاها وفتحو مواضيع مع بعض وكل ما استخدم موبايله او دخل سوشيال ميديا بشك وبتخيل انه وحدة رح تاخذه مني عالرغم هو دايما يطمني يقلي ما بلاقي احسن واجمل منج وانا خلاص صرت رجل كبير ما بلتفت لهي التفاهات بس انا ما بثق باحد وعلى طول خايفة لدرجة وزني نحيييف من كثرة التفكير..انا تعبت وايد ما ادري شسوي ليش جذي حياتي ارجوكم ساعدوني