إلى متى ستبقى حياتي هكذا...

متى تتغير حياتي واعيش مثل باقي الناس انا تعبت من مشاكل امي وابوي

اهل ابوي متحكمين فيه هو مايطلعنا الا باذن منهم ومايشتري لنا شي ابد واذا امي طلبت منه شي يروح يستشيرهم قبل واذا وافقو يجيب ولا لا قبل سنتين صارت مشكلة كبيرة بين امي وخواته اذا جا البيت يسب ويلعن ولا يشتري لنا شي حتى في افراحهم مايعزمونا خطبو لعمي وتزوج ولاحتى فكرو يقولون لنا وحتى حفلاتهم ماينادونا.

واهله يقولون له لاتوديها عزايم اهلها واصبح يحرمنا من كل شي. مانطلع ابد ومرات تقدمو لي خطاب لاكن رفضهم بدون اي سبب. يرضي اهله اهم شي.

انا ماعمري ضريت اهله بشي. واهله اذا شافوني يتكلمون عن الي انخطبو ويقولون هذي الله وفقها وتزوجت. ويطالعوني بنضرات كره. لدرجه ان بنت عمتي كرهتني ولا تسلم علي. انا تعبت من حياتي مرات اتمنى اموت. وامي دائما تتهاوش ووتضارب معه واذا حاولت اصلح بينهم يبعدوني. وامي تطلب منه اغراض للبيت ويرفض يجيب شي لين تعتذر لاخواته وهي رافضه لان الغلط منهم وحتى جمعات خوات امي يرفض يودينا والسبب اهله. لي سنتين ماطلعت ابد مكان ولا اجتمعت مع ناس صرت اتعب كثير ويجيني ضيق تنفس.

واحس بخمول والم شديد في جسمي ودائما انسى يمكن لاني كبرت بالعمر 33عمري واشوف صديقاتي بالسناب يربون عيالهم ومرات يطبخون. احمد ربي اني ماتزوجت لاني احس ان كل طاقتي راحت. ومرات اشوف سناباتهم وابكي بدون شعور ومرات اكذب على صديقتي اقول لها اني عندي مناسبة وعزايم واطلع. وانا ماطلع ابد. حتى العزايم ابوي حارمنا منها. مانطلع مكان الا بموافقة اخواته واهله