حصل سوء تفاهم مع أستاذي كيف أستعيد ثقته بي؟

السلام عليكم بتمنى تساعدوني لانو هالمشكلة كتيير زاعجتني وصارت معي مبارح .... انا عمري 18 بكلوريا أدبي عندي استاذ عربي بيعطيني دروس خصوصصي وهوي استاذي بالمدرسة كمان ... بيحاكيني عالوتس اب كرمال مواعيد الدروس واحيانا بنمزح شوي بس من باب التشجيع وتغير الجو .... هوي بكون استاذ لقريبتي معي بالمدرسه ...من فتره اجا بدو يحكي شي وسكت واناطنشت ونسيت الموضوع .... فمن كم يوم لمحلي ما فكر انوفي شي غلط تجاه هالبنت وانا من قبل ماكنت فكر أبدا بس لما قلي هيك نزعجت كتير انو بفكرني بفكر في بهالطريقة وانا كتيير بحترمو هو انسان بيستحق التقدير بيحترم الكل وكتير بيهتم بطلابو ....مبارح ماقدرت اسكت وسألتو شو كان بدو يحكي فهوي كتيير نزعج وحكالي انا بهتم بالكل ولا تظني شي ومن هالحكي هوي أساء فهمي ..... بالحقيقة هوي خلاني فكر هالتفكير لما صار يلمحلي اني بفهمو غلط .... هلأ كتير محتارة عتذرت كتير بس حاسة في شي تغير بعد يومين عندي درس وخايفه واجهو ... لو هوي قبل اعتذاري اكيد في شي رح يتغير .... شو اعمل حتى وضحلو وماتتغير معاملتو معي مابدي ياخد فكره عني غير يلي كانت عندو بدي ضل طالبتو المميزة .... بعرف كتيير طولت بالحديث بس رجاء ساعدوني هالقصة كتيير مدايئتني ....