كلام الجيران عن علاقتي بهذا الشاب وصل لزوجي!

السلام عليكم انا امراة متزوجة وعندي 3اطفال علقتي بزوجي فيها كتير مشاكل لعدم التفاهم والتوافق. ومن 6 اشهر مريت بفترة فيها خلافات كتيرة لدرجة اني فكرت بطلاق بشكل جدي وكلمت اهلي وساندوني لانو حياتنا الزوجية كانت دايما في نازل بس قلت اصبر ليخلصو اولادي عامهم الدراسي وانا في تللك الظروف تعرفت بشخص كان جديد بالحي كنت بشوفو وانا رايحة عشغلي وبحسو انو عم يراقبني وفيوم اجا عندي بمحل شغلي وقال انو معجب وانو راح يعمل المستحيل لكون الو هو ماكان بيعرف اني متزوجة ولما حكيتلو انو انا مرتبطة تاسف تركلي رقم هاتفو وقال معلش لو ما كتب الله تكون حبيبة اتشرف تكوني الي صديقة او اخت فكرت انا انو الموضوع انتها هنا بس تطور مع الايام واصبحنا نتكلم وحكيتلو انو انا عوشك الطلاق فقال خلص انا راح اصبر عليكي ولما تحلي مشاكلك راح تكوني الي بعرف انو غلطت بكلامي معو عبر اللهاتف وهاي من انواع الخيانة الزوجية والله ما كنت مرتاحة وانا بحكي معو كان دايما في ندم بعد ذلك المهم بقيت عهاد الحال لغاية ما سمعت كلام في الحي انو في جيران حسو انو في شي بيني وبينو والكلام عم يزيد وانا الي كنت انسانة محترمة ولا واحد بيقدر يطلع فيني وصل الكلام لاهل زوجي وزوجي وربط الامور كلها ببعضها بس بقت نقطت اي نوع من العلاقات فشغلي بالحي قريب عالبيت وما بطلع لوحدي لاي مكان تاني. دخل الشك عند زوجي بس ما الو اي دليل مادي وانا من الداخل انقهرت وندمت كتير عم اعيش صراع داخلي انو انا غلطت فحق زوجي رغم كل المشاكل الي بينا كان عليا الصبر وغلطت بحق نفسي واهم شي بيني بين ربي. ما بعرف شو لازم اعمل الناس عم تحكي كلام ماصار علاقتي بهاد الشخص كانت كلام عبر الهاتف او نظرات هيك وناس خلقت كلام ما الو اي صحة قصتي هاي عم تموتني فاليوم الف مرة حكيتها لارتاح ولتكون عبرة ونصيحة لاي وحدة الغلط غلط مهما حاولنا نخفيه