أولادي في سن الزواج ووالدهم يلهث رواء شهواته كيف أتصرف معه؟

أنا سيدة متزوجة من سبعة وعشرون عاماولدي ولد وبنت تخرجوا من الجامعة وتعلموا تعليم ممتاز وثابرت علي تربيتهم وعلمهم ولكن من عشرة سنين تعب والدي ثم والدتي وكان اكثر وقتي معاهم فزوجي اصبح له علاقات كثيرة مع سيدات ورأيت رسائل غرامية وهو ينكر ولكن كان قلبي حاسس انه بيخون لكن ماكنش فيه وقت للبحث لان والدي والدتي كانوا تعبانين جدا واخواتي مسافرين حتي اتاني اليقين واحدة من السيدات بعتتلي صور له خارجة وصور مع سيدة مطلقة ومع اهلها وفوجئت او تأكدت من احساسي وبعتت الصور دي لابننا وهو شاب عنده سته وعشرين سنة ولما واجهته انكر اولا وقال دي صور مركبة ثم اقر واعترف واكد انه لن يعود لهذا الطريق واني كنت جزء من هذه الغلطة وانا أعترف بذلك وطلب اعطاء فرصة أخرى وللعلم دي مش اول غلطة ومش عارفة ان كنت اسامحة وخاصة ان بنتي في سن الزواج ولا نصدقهوش وخاصة انه طول عمره كداب ودايما بيدخل مشاريع فاشلة وخسر فلوسه ومرتبه كله قروض ياعني حتي الصرف علي البيت في اقل الحدود وهو دلوقتي بياكدلي انه لن يمشي في هذا الطريق مرة تانية مش عارفة اصدقه ولا اصر علي الانفصال وخاصة اني طالبة الطلاق وهو بيتأسف وبيوعدني انه لن يعود للهذا الطريق وانه مالوش غيري انا واولاده متردده ومش عارفة اخد قرار