ندم زوجي الخائن لم يعد له قيمة بعد الذي فعله

بعد جواز سبع سنين وخطوبة ثلاث سنين بالاضافة صداقة ١١ سنه جوزى رجع لحبيبته الاولانية اكتشفت الموضوع لما وصلنى رسالة من صفحة وهمية على الفيس الرسالة كان فيها فويس لصوت جوزى وهو بيكلم حبيبته وبيقولها مقدرتش انساكى بالرغم من كل السنين دى انا تصدمت لما سمعة الفويس كنت بتمنى الموت ولا ان اتخيل خيانته ليا وتخلية عنى واجهتة بخيانته كان ردة صادم لما قالى انه لسه بيحبها وقالى بلاش الطلاق عشان الاطفال وكل واحد فينا ليه حياته الخاصة بيه ولا انتى تلومينى ولا تزعلى من حاجة وبقالنا على الوضع داه ٨ شهور ٨ شهور هو بينام فى اوضة الاطفال مع اولادى وانا بنام فى اوضة النوم وبنتى الصغيرة بتنام معايا ٨ شهور بنخرج سوا ادام الكل زى اتنين متجوزين ونتكلم ونهزر ونضحك ويحضنى كمان قدام الكل اما فى البيت هو ليه حياته وانا ليا حياتى ٨ شهور مبقدرش اتكلم معاه كلمه واحده حتى ... انا عندى ولدين توأم عندهم ٥ سنين وبنت صغيره سنه ونص كنت خارجة انا واختى وبنتى روحنا نجيب حلويات واختى شافت جوزى واقف مع حبيبته بس انا مشوفتوش لما رجعنا بيت ماما اختى قالتلى عايزة احكيلك حاجة وحكتلى عيطت ولاول مرة احس ان ظلمت نفسى كنت بعيط فى حضن اختى زى ما اكون على ما صدقت الاقى حد يساندنى اختى مكنتش مصدقة كل اللى بيحصل وهو جيه يوميها عند اهلى عشان كنا متجمعين واتكلمت اختى معاه من ورايا وحصل زعيق من اختى كبير ولما روحنا جوزى عمل معايا خناقة كبيرة وصلت انه ضربنى قلم من قوتة ورم وشى وهددنى بالطلاق حسيت ساعتها بالموت لما اولادى شفونى فى الوضع داه حسيت ان ياريت كنت خدت موقف بدال الوضع داه هو ساب البيت بعدها فضل اسبوع بره ولما رجع كان متغير ٣٦٠ درجة رجع اعتذر وطلب اسامحه طلب نبدأ حياتنا تانى من جديد قالى دى غلطة وكلنا بنغلط واحنا بنشر ونسامح بس انا مش قادرة اسامحه جوايا رغبة انتقام من كل اللى حصل مش عارفه ازاى اتولد جوايا شعور زى داه انا اكتر واحده عمرى ما شلت من حد على طول بسامح حتى لو ظلمونى ظلم كبير بس اللى حاصل دلوقتى مش قادرة اتجاوزة نهائى نفسر اخلية يحس نفس كل احساس حسيته نفسى اعرفه ازاى كنت بموت فى كل مرة اعرف انه خارج يقابلها وانا مش قادرة اتصرف نفسى اخليه يحس ازاى كنت بموت انا تعبت اوى اوى تعبت لدرجة نفسى اموت رجوعه ليا وندمة بالنسبالى حاليا ملهمش اى لازمة مش عارفة الاقى حل ياريت تساعدونى وتفهمونى