احبه و لا اعلم ماذا افعل

السلام عليكم... انه القصة بحكي مع شب صرلي سنتين تقريباً هو حدا عنده اخلاااق كتير عالية و الله بيشهد ما بيوم غلط بكلمة معي هو معي بالجامعة و بالشغل تعرفت عليه بالشغل و عرفت انه بنفس الجامعة و صرت شوفه ع طول و بيعرف اهلي بحكم انه التقى معهم اكتر من مرة بكذا مناسبة و بالشغل و بعرف أهله بنفس الشي تقريباً ، نحنا أصدقاء كتير بيوم من شي سنة كنت جريئة كتير و قلتله انه معجبة فيك حكالي انه لا احنا ما بدنا هيك احنا اخوة و اصحاب و كل شي و خلينا هيك احسن و بعدها عادي و تمام و كل شي طبيعي انه زملاء و اخوة وتمام هو عنده قناعة انه بس رح يتزوج ع عمر ٣٠ سنة انه مثل والده و انه ما بحب قصص الحب و الأشياء هي لانه الواحد ما بيعرف شو بصير معه خلصت جامعة و استقلنا من الشغل و بعدنا اصحاب و ع تواصل يومي انا ما بعرف بحس انه بحبه و بهتم فيه كتير طبعاً بدون كلام حب و أشياء بس انه اهتمام اخبارك و هيك و هو نفس الشي اوقات بحس من كلامه انه بغار او عنده شعور ناحيتي ر بنفس الوقت ما بقدر اقرب في مشكلة فيني انه انا سمينة شوي و هو نحيف كتيير يمكن يكون سبب ما بعرف انا بحبه و مو قادرة أتخلى عنه و بنفس الوقت بحس انه و بعدين مع هالعلاقة بالاخر رح اتزوج و اكيد ما رح احكي معه حفاظاً ع حياتي الجديدة و بنفس الوقت انا تعودت عليه مو عارفة شو اعمل بعتذر عالاطالة افكاري مشوشة