أعرف شاب من 3 سنين كان يحبني لغاية قبل 3 شهور!!

مساء الخير ..انا بنت اعرف شاب من 3 سنين وكنا بنحب بعض كتير وخاصة هو كان متعلق فيني بشكل مو طبيعي وكتير بيهتم بكل تفاصيل حياتي كتير بخاف علي كتير بحب يضل يحكي معي كان يخاف علي من الهواء ويدير باله علي متل اهلي واكتر عمره ما غلط فيي ولا اذاني.. لغاية قبل 3 شهور تعرفنا على بنت بتكون صاحبة صاحبه وطلعنا مع بعض نتغدا والبنت من يومها غارت من علاقتي انا واياه وخوفه علي خاصة انه صاحبها ما كان معبرها كتير وحطت حبيبي في بالها وبلشت تلف عليه ..انا حذرته كتير منها وما كان يصدقني كان يفكر اني غيرانة ومرة انا ما تحملت وبعتلها مسج وبهدلتها ..هو كتير عصب وحالي اني صغرته قدام صاحبه وبطل يحكي معي وضليت كل يوم ارن واترجاه يسامحني وابكي وهو ما رضي يسامحني بعد هيك بلش ينشغل موبايله بالساعات وبس يرد علي يبهدلني ويسكر الخط.. ما بدي اطول عليكم صار كتير تفاصيل وانا عرفت انه بحكي مع هاي البنت ولما واجهته اعترف واعتذر ورجعنا لبعض بس هو ما كان طبيعي معي .. ضل يحكي مع البنت من وراي مع انها عملت اله كتير مشاكل وهو بحكيلي بده ينتقم منها.. لغاية ما اجى يوم وحكالي انه ما بطيق يقعد معي وبس يكون معي بتضايق وحاس انه مبطل يحبني.. طبعا انا انجنيت ما عرفت شو اعمل قررت ابعد عنه وعرفت انه رجع يحكي مع البنت ..طبعا انا تأكدت انه البنت عاملتله سحر لحتى تفرقنا عن بعض ويضل يحكي معها.. وحكيتله هالحكي هو خاف وطلب مني اساعده يتخلص منها بحكيلي حاس حالي مربط مو قادر اتخلص منها.. هو كتير حياته انقلبت صار شخص تاني.. انا قلبي واجعني عليه مو قادرة اتخلى عنه .. بترجاكم ساعدوني احكولي شو اعمل.. طبعا البنت هاي استغفر الله مو فارق عندها حدا كل الي حاطيته براسها هلا انه يحبها مستعدة تخسر كل شي عشان يحبها وبنت بلا اخلاق والعياذ بالله.. وللعلم كمان من ديانة تانية .. ارجوكم احكولي كيف اساعده ؟ انا كتير خايفة عليه.