كالطفل الصغير يبكي كلما أخبرته بأنني سأنفصل عنه

صباح الخير انا فتاه عمري33 سنه اعيش بالكويت تعرفت على شخص اصغر مني بست سنوات يمني ويقيم بالسعوديه لطبيعة شغله وطلب مني الزواج في بداية تعارفنا من عشر شهور كان يكلمني واتساب بكل وقت في الصبح والعصر والليل وقبل نومه ماينام اذا مايتطمن علي بس الحين له فتره تقريبا شهرين متغير حيل علي وكل مااكلمه يقولي مشغول وتعبان من الشغل هو خياط رجالي احيانا اقول يمكن صج تعبان بس بالفتره الاخيره زاد تطنيشه لي واذا انا مااراسله هو مايراسل ولا يكلمني احيانا اعصب من تصرفاته معاي ولما يشوفني جذي يقولي احبج اكثر لما تعصبي وتزعلي تقدم لخطبتي شخص ثاني وقلت له عليه وصار مثل الطفل يبكي ويقولي اني انا له وروحي صارت ملك له مو لشخص آخر ورفضت هالشخص علشانه و قال انه راح يجيني للكويت نهاية شهر واحد علشان يخطبني رسمي وانا قلت اصبر عليه واشوف والحين لي يومين ماكلمته بس كلمته اليوم وقال انه تعبان والسياره تعبته ومثل كل مره يقولي كلمه وحده احبج ويطلع يخليني اتكلم بروحي بالواتس انا زعلت وقلت له دايم تطنشني واتكلم بروحي وانت ماترد علي قالي اعشقك مايحب اني اتفاهم معاه بشي دايم يقولي مابي اتعبج معاي مع ان قلبه طيب وحبوب بس زعلت عليه وقلت له اطلع احسن واحذف الواتساب بس تفاجأت برده علي يقولي ايي احذفيه قلت له جد قالي ايي وحط الفيس اللي يضحك قهرني بحركته وقلت له ابشر بحذفه ولماترجع الشخص اللي عرفته بالاول كلمني وقلت له قاعده اسوي كل شي علشانك وانت ماغير تتطنز علي وتهينني ونزلت حاله اني لغيت حسابي بالواتساب وشافها والحين هو قرأ الواتساب وطنشني شسوي معاه وشلون اتصرف اراسله بعد والا اخليه لما يراسل هو باله طويل قولولي شسوي انتظره لما يراسل اخاف يطول علي وانا مااتحمل هالشي وخايفه عليه يتعب تكفون انتظر ردودكم اختكم المحتاره