هل ما أفعله خيانة لحبيبي؟

انا بحب واحد ومع بعض بقالنا 6 سنين ولكن بقي في فترات زهق وملل كتيره وبحاول معاه اننا نقضي عليها لان لما بنحاول نسيب بعض بنرجع تاني دا غير الخناقات كل دا بس انا بحبه لسه ومتمسكه بيه ومن فترة عملت اكونت fake علي التويتر ودخل واحد كلمني هو مش من بلدي وكان كلامه حكيم نوعاً ما اتكلمنا لمده يوم او اتنين تقريباً وبعد كدا قفلت الاكونت وبعد ما مرت فتره افتكرت الاكونت وفتحته وبعت للشخص دا واتكلمنا حوالي اسبوع كدا وبعدها اتكلمنا صوت علي برنامج بس هو كان مثقف جداً جداً يعني وحكالي كتير عن اهله وحياته من اول مكالمة وضحكت بجد كتير بس بعد اليوم دا اضايقت اني كلمته صوت ومسحت البرنامج اللي اتكلمنا صوت عليه وبقينا بنبعت لبعض مسجات علي تويتر احنا مش بنتكلم كلام حب او مثلاً ارتبطنا احنا بنتناقش وبيحكيلي حاجات كتيره وبيبهرني بسعة عقله حقيقي هو امبر مني ب ٦ سنين وهو اصلاً ميعرفش عني حاجه خالص وقالي انا مش هسألك عن اي حاجه انتي مش عاوزه تقوليهالي دي حريتك الشخصيه انا مش بحبه ولا اي حاجه ولا ف اي غلط ف علاقتي معاه لكن انا حاسه اني بخون اللي بحبه انا عجبني كلامه وافكاره لكن بردوا مينفعش انا عارفه وعارفه ان دا غلط ومدايقه وبيجيلي كوابيس لاني عمري ما كلمت واحد غير اللي بحبه بس دا حقيقي علاقته شبه الاصدقاء مش اكتر اعمل اي؟