خطيبي بارد المشاعر وخائفة أن لا يتغير بعد الزواج

مساء الخير .. انا كتير تعبانة و نفسيتي مو مرتاحة ابداً انا بنت خاطبة من 6 شهور تقريبا انا و خطيبي اخدنا بعض تقليدي يعني لا عن حب ولا غيره... من اول ما خطبنا و انا اشعر انو طاير فيي و بحبني حتى بحفلة خطوبتنا الكل فكر انو ماخدين بعض عن حب و انه كاين يحبني قبل ما يخطبني بسنين .. انا بحس انو بحبني بس هو ما بعبر عن هالشي من خلال التلفون المشكلة انو هو ببلد وانا ببلد عشان هيك لازم يحكيني و يعبر عن حبه من خلال التلفون هو لا بغازلني ولا بعرف يحكي معي كلمة متل العالم.. انا بنت حلوة و كتير بسمع كلمات اعجاب من كل الي حواليي شباب و بنات .. بس خطيبي ما بسمعني هيك كلام.. هو مشغول دايما يا بالشغل يا نايم و برتاح يا طالع و لما يحكي معي بقضيها يحكي معي عن الشغل حكيتلو الف مرة انو لازم يحكيني كتير حتى اقدر احبه و اتعلق فيه بس ع الفاضي.. هو حاسس بتقصيره بس ما عم يعمل اشي حتى يصلح هالتقصير.. انا بصراحة كتير اوقات بفكر بالانفصال والمشكلة مو قادرة احكي لاهلي هالحكي او لصاحباتي .. هو انسان رائع من كل النواحي بس خايفة بروده هاد يستمر لبعد الزواج.. انا ما بتحمل هيك مو عارفة شو اعمل انصحوني بترجاكم