هل هو يحبني أم أنا أتوهم؟

انا من فتره اتعرفت على شخص من الفيس بوك مكناش بنتكلم كتير لان كنت مشغوله بس هو كان مهتم وبيسأل وبيكلمنى كتير وبعدين طلب نتبادل ارقامنا وكان بيلمح كتير نتقابل وكنت بقوله ان شاءالله وبرده مكنتش فاضيه اشوفه كل ده بنتكلم واحنا اصحاب فى مره صمم نتقابل وحتى قالى لو خايفه نتقابل لوحدنا هاتى صحبتك معاكى المهم اتقابلنا انا وهو وخرجنا وكان يوم حلو جدااا وكان مهتم بيا جدا وقعد يقولى انى كتير حلوه واحلى من الصور وقاعد يقنعنى انى لازم افكر ارتبط وادى لنفسى فرصه لان انا كنت حكياله انى رافضه الارتباط وهو كان تارك حبيبته ايامها ولما مكنتش اكلمه باليومين يزعل ويضايق ويعاتب وبعديها بفتره رجع لحبيبته وقولتله لو مش عايز نحكى تانى عشان معملش مشاكل ليكم مفيش مشكله بس هو كان رافض فكره ان انا وهو نبعد عن بعض وقالى شويه وهعرفك عليها انا كنت مخنوقه انه بيكلمها وعملتله بلوك بس قولتله لو حبيت تكلمنى فى اى وقت انا موجوده مش عايزه اسبب ليكم مشاكل قالى ازاى تعملى كده وانا غلطان انى حكتلك حاجه..من فتره اتخانقنا انا وهو لانه مكنش بيكلمنى كتير ويقولى الشغل ومضغوط فغلطت فيه ومن وقتها وهو رافض نهائي نرجع نتكلم وحاولت اصالحه كتير وهو رافض نتكلم انا حبيته واتعلقت فيه بس هو رافض وحاسه انى جيت على حساب كرامتى كتير عشانه وحتى مش قادره انساه او ابطل تفكير فيه..بقول يمكن هو مش بيفكر فيا لانى منفصله و اكبر منه بسنتين كع انه كان شتيف فرق السن ده مش مشكله ابدا وان اللى مريت بيه ده مش بايدى ..عايزة حل يخليه يرجع يكلمنى انا مش فاهمه هو حبنى ولا انا اتوهمت بده