كرهت نفسي من كلام أمي

انا بنت عمري صغير نوعاً ما يعني ما وصلت ٢٠ . مشكلتي امي تعاملني كاني شغله تخليني اطبخ وانظف واغسل واكوي وكل شي فوق راسي واختي ما تسوي ولا شي بس قاعده وتتامر وادا كلمتها او هاوشتها عملت امي وامي تضربني عشانها مع اني ما اكون غلطانه. المصيبه مو هنا المصيبه ان امي فوق الكرف اللي كارفتيني اياه تبغاني ما اجيب نسبه اقل من ٩٦ . انا اهلكت مو قادره اتحمل الضغط هذا ' من غير انو لو جبت احسن نسبه مستحيل تجازيني بشي احبه . يعني ع عمري هذا ما عمري حطيت مكياج زي الناس . احضر ملكه بكحل والشعر ملموم واحد ولبس يستحي احد ان الناس تشوفه فيه. من جد يفشل مو قادره ارفع راسي بين الناس تعبت والله تعبت واذا جابتلي شي تذلني عليه الين يصير فيه شي كرهت نفسي من كلامها واذا قلت لها صاحباتي متجمعات ترفض واذا قلت لها بيجون عندنا ترفض ماني فاهمه لها . هذي السنه عندي حفل تخرج ف من الثانوي البنات طبعاً كل وحده ببتكشخ الا انا انا ما بحظر عشان ايش عشان ما اتفشل ؛ لاني عارفه لو كنت بحظر بتخليني البس ليس كانه بجامه مكياج ما بتخليني احط جوالي ما باخذه شعري تبغاني المه ايش اسوي انا والله تعبت منها ومن تصرفاتها