أنا طفل في نظر أمي
من مجهول
تاريخ النشر: 28-12-2016 9 إجابات 3
0
3
السلام عليكم انا شاب عمري 23 و بدرس بالجامعة مشكلتي مع والدتي يلي بتتعامل معي على اني طفل ,, حبيت بنت معي بالجامعة و الحمدالله نيتي اني أتزوجها بس للأسف والدتي بس عرفت اني بحكي مع البنت و شافت الكلام يلي بينا منعتني من الخروج مع أصدقائي و سحبت مني الموبايل و للأسف بنفس الوقت علاماتي بالجامعة كانت سيئة فا زاد الطين بلة ، مش عارف كيف اتصرف مع والدتي بحكيلها اني شاب و مافي حدا بعمري بتعامل هالمعاملة بس للاسف كأني بحكي مع حالي و بتحكيلي البنت بدك تاخدها بدينك و أخلاقك و الحمدالله محافظ على صلاتي و اخلاقي كويسة و بخجل احكي لأصدقائي انو الوالدة مانعيتني اطلع و البنت يلي بحبها بحكي معها من ورا اهلي لانو مش مستعد أتخلى عنها لانها بأصعب الأوقات كانت هي الوحيدة سانديتني و واقفة معي ،، شو بتنصحوني اعمل او اتصرف ؟ و هل لو كسرت كلام والدتي بعض الأحيان و مشيت كلمتي ممكن انو يتغير الوضع ؟
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هنا
كيف تود أن يظهر اسمك على الاجابة ؟
-
المدربة ميساء حموري وعليكم السلام صديقي ،انت شاب وليس صغيرا ويحق لك ان تحب وتختار من تحبه ،ولكن صديقي عليك الاهتمام بدراستك حتى تنهي الجامعه وتبدأ بالعمل وتبني مستقبلك والا كيف ستتزوج وتكون مسؤولا عن عائله .ابق على علاقه صداقه ومحبه مع هذه الفتاه ولكن في حدود المعقول حتى تنتهي من الجامعه ووقتها لكل حادث حديث . 
من مجهول تقدموه لبعض هو حكي و بس مشان هيك اصبر و اشتغل ع حالك خليها تحترمك و تقدرك مش بس تحبك هالبنت ، انا بقلك مني و عليي كبنت في حال طلعلها بالمستقبل شخص ناجح و قادر يدبر وضعه المادي و اله مستقبل و بنحب و شكلو منيح رح تنساك ببساطة لانه هي حبتك بس بالحكي ما عاشرتو بعض ولا عشتو مع بعض مواقف يومية ، انتو بتعرفو بعض من الشغلات الي بتحكوها لبعض عن حالكم مش بتكتشفو صفات بعض لحالكم لذلك ارجع للطريق الصح و اشتغل ع حالك رح تلاقي امك لحالها احترمتك و قدرتك و شعرت باستقلاليتك بس هلا واضح انه الك مواقف معها و مع عيلتك بتثبتلهم انك لساتك طفل مشان هيك همه شايفني انه لازم هلا يحموك حتى لو كانو بتحكمو فيك . و ما تخاف اذا البنت الك ما رح تضيع منك و اذا مش الك ما رح تكون خسرت اشي بتكون اشتغلت ع حالك صح و صار عندك فرص اكبر بانك تحصل على بنات بمراتب اعلى من الي حبيتها و بشخصيات يمكن انت ما كنت متوقع بيوم انهم يطلعو فيك و صدقني قد ما تقلك البنت انها بتحبك فما رح تكون بتبدي مصلحتك على مصلحتها بس امك كل الي بتفكر فيه هو مصلحتك بس برضو هاد ما بعني انك اتضلك خانع لامك لانه الاهل مش ملائكة مرات بكونو غلط بس برضو كون قد حالك و زلمة بتلاقيش حد بخضعك لاي امر .كون قد حالك جد. 
من مجهول انت مش موضح الامور تماما بس فهمت الفكرة تقريبا لاني طالبة جامعة زيك و حبيت زيك.المشكلة ع الاغلب هي عندك امك واضح انها انسانة متدينة مش اكتر و بتحاول تحميك و لو انها استخدمت اسلوب رجعي شوي و ما كانت مبتكرة في طريقة حلها للمشكلة بس انت واضح انه وضعك الدراسي مش تمام و هاد الاشي صار معي انا ، يمكن بتفكر انه الحب ما اله دخل و ما بخرب ع الدراسة بس هو بخرب نوعا ما لانه التركيز بتشتت و بصير الواحد يفكر حاله كبر قبل زمانه و انه نضج خلص بس تلاقيك لسه بتاخد مصروفك من ابوك و الحكي مع البنت شكله ما كان حكي عادي و ما عجب الوالدة ، كان حكي في حب و قصص زي هيك يعني برات حدود الصداقة ، دايما اذا كنت حابب تتعرف ع بنت و تعرفها اكتر لانك شايف انه ممكن تزبطلك بالمستقبل كون زميل لالها او صديق و حاول ادمج صحابك و صحابها خلي في تواصل مباشر عشان تعرفها صح اذا كانت هاي هي فكرتك من الحكي معها ، صدقني الحكي الي من وراء الشااشات بكون over بتحكي براحتك كتير و بكونش في خجل بس وجه لوجه بتلاقي حالك مش قادر تحكي بنفس الجراة لانه في ناس حواليكم في حدود بطلت قريبة زي كيف بالمسجات ، اذا كله هاد الموضوع بوجع الراس بالنسبة الي بقول نيالك انه امك عملت هيك انا نفسي كان حدا ييجي يوقفني عند حدي بلا ما اغوص اكتر و اتعلق اكتر و اكتر بالشخص و بنفس الوقت اضل حاسة انه في مسافة و فراغ لانه هو بالنهاية ما صار اشي بالنسبة الي على ارض الواقع و لانه لو شو ما صار لو في يوم وقعت مرضت دخت دخلت المستشفى او حتى حسيت بكابة و مكنتش قادرة اعبر مش حلاقي غير العيلة او الصحاب ييجو يحضنوني و يطبطو عليي ، هو رح يوقف معي بس بالحكي مش اكتر لانه بطلعش بايده اشي و لذلك في لحظات كتير ما رح يشاركني اياها معناها من الاساس ما بدخل حالي بهيك دوامة او خلينا نسميها تمثيلية بانه نضجنا و كبرنا و انا عشقنا و رح يكون زواجنا رائع ! مش رح يكون هيك اذا كان مستقبلكم كأفراد زبالة لا معدلات بالجامعة و لا خبرة و لا عمالكم بتطورو حالكم و وقت الفراغ كله بتقضوه برم مع بعض و متعته بتكون لحظية هالبرم لانه بالنهاية كل الي قادرين تقدموه لبع 
من مجهول امك تحبك وتخاف عليك وتحب تشوف لك مستقبل زاهر انتبه على نفسك وخلى عنك الحب ترى الحب ضياع وضياع مستقبلك انت الحين مرحلة الحصاد في الجامعه ولا ان تجتهد وتعتمد على نفسك من الان انت على وش ان تتخرج وتحصل على وضيفه وبعدها تفكر بالزواج وتذكر ان امك ليس تريد منك اي شي سوا مستقبلك لكن امك لا تدرك كيف توجهك بالطريقه الصحيحه والمناسبه لك امك تصرفت من خوفها عليك وضياع مستقبلق وهي تتمنا ان تراك وانت في احسن حال 
من مجهول لازم تجلس مع امك جلسه ودية وتقولها انا يا ماما كبرت وماعدت طفل انا خلاص صرت رجال وافكر في الزواج والارتباط مثل كل رجال - 0
- اعجبني
- .
- اضف رد
- .
- عرض الردود
- .
- 28-12-2016
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اسرية
احدث الوصفات
احدث اسئلة قضايا اسرية
اسئلة من بلدك
احجز استشارة اونلاين
