لا أستطيع كسر الحاجز بيني وبين أبي

السلام عليكم .. مشكلتي يمكن تكون مشكلة كثير من الناس .. ابوي من صغري يضربني انا واخواني ومو ضرب عادي بالكف ويحرق بالنار ويمسكنا ويضربنا ف بعض ويكسر اي شي علينا .. ومن الطفولة لين الان وانا فيه بيني وبينه حاجز مااقدر اتقبله يعني استغفر الله ويمكن اللي زاد المشكلة انه على طول يعصب وعلى اتفه الاسباب مع امي وهي مسكينة واوقات يضربها قدامي ويسبها يعني للاسف انا صرت اتخيل حياتي حتى لو اتزوجت راح تكون حياتي تعيسة انا عندي مشكلة حتى صرت اخاف من الناس وعندي رهاب اجتماعي واخاف اتعامل مع الناس لا احد يجرحني بكلمة اخاف على نفسي جدا ومااحب احد يجرحني وللاسف ابوي يحاول يتقرب بس خلاص زي الحاجز اللي اتبنى بيننا وماصرت اقدر اتقبله لان جربت احاول يرد اسوأ ارد وانفر احيانا وصرت اتجنب النقاش والجدال حتى لو في شي اعرفه عشان اخرتها بيعصب وماراح يكون لي رأي اوقات اشوف صديقتي مع ابوها شلون يحترمها ويقدرها ويدلعها واقول ياليت لو كان كذا .. انا عندي اكتئاب حاد لدرجة اقعد ساعات كثير اهرب بالنوم او اجلس ساكتة تعبت وفكرت كثير اروح دكتور نفسي بس خفت انا عارفة ان كثير راح ينتقدني ويقولي هذا ابوك ومايصير بس انا حكيت موقف ومحد يحس بأحد الا اذا كان مكانه .. ياليت تتفهمون وضعي ومحد يغلط علي وشكرا لكم