عند أقل غلط يضربني ويهينني!

Question

انا مشكلتي كتالي خليني اشرحلكم وضعي خطوه خطوه انا متزوجه من سنه الحمدلله الله قدر ما رزقنا بأطفال زوجي كتير منيح معي ما برفضلي طلب لما يكون رايق احسن منو ما في حنون قلبو طيب جدا جدا ولما أزعل بكون معي ويهديني وكتير منيح بس مشكلتي لما اغلط أقل غلط يعصب وبسب علي وبمد ايدو علي وبحكي انتي تيسه وما بتفهمي وما عندك عقل وانا راح اعملك فحص وادا فيكي اشي ما بدي اياكي وبطل بحكيلي روحي عند أهلك وانا ما برضى وبس يهدئ بحكيلي انتي خليتني اعمل هيك كلو منك انتي بتجاكري فيا وانا عصبي وبصير يمزح معي وبراضيني وبرجع يعمل نفس الا شي هلا سؤالي لما بحكيلي روحي عند دار أهلك أرد علي وراح بلا هل أهانات الي بعملها فيا ولا شو اعمل

أخصائية علم النفس والتثقيف الصحي ميساء النحلاوي · Accepted Answer

الضرب غير مقبول في اي علاقه بين شخصين ، لقد تعود ان يضربك ومن يضرب مره يعتاد الضرب خاصه اذا كان الطرف الثاني يقبل بالضرب هدديه بانه اذا ضربك مره اخرى ستتركينه وتذهبي الى اهلك ، واذهبي فعلا ان ضربك التفاهم لا يكون بالضرب ، التفاهم يكون بالكلام وبهدوء ومن غير الفاظ فظه وبذيئة انتبهي ايضا الى تصرفاتك ، لا تستفزيه ولا تخرجيه عن طوره ، عندما يغضب اتركي الغرفه التي يتواجد فيها ولا تجاوبيه ، الزمي السكوت حتى يهدأ وعندها اساليه ما ازعجك وتحاوري معه لتلافي الشجار مره اخرى بعض الرجال عصبيون ولا يستطيعون السيطره على غضبهم لذلك احرصي على تلافي غضبه واحتضانه كي لا تقعوا في مشاكل اكبر المرأة الذكيه هي التي تعرف متى تسكت ومتى تتكلم ، متى تبقى في البيت ومتى تذهب الى اهلها ، المرأة الذكيه تعرف كيف تحافظ على كرامتها ومركزها امام زوجها فلا يستخف بها ويصفها بابشع الكلمات تصرفي بهدوء وحكمة وترفضي الضرب تماما

من مجهول · Answer

طبعا احكيله بتروحي وما بترجعي عنده لو بترجاكي الف سنه هاد الحكي ما بصير ابدا شو مفكرك عنده هو

من مجهول · Answer

هدديه انك رح تروحي عند اهلك وما ترجعي ابدا عنده وهيك مممن يبطل يعيدها

من مجهول · Answer

انتي ما بتشتغلي عنده مشان بس تكوني ماشية صح بكون منيح واذا غلطتي بضربك عيب عليه هذا مش رجال

من مجهول · Answer

هذا ابدا مش مبرر ابدا يعني كل اشي منيح عملوا معك بروح مع تصرفاته غير المنطقية

من مجهول · Answer

لا تتركي البيت و لا تخبري أهلك كي لا يكبر الموضوع فتندمي ، خليك مكانك لكن هناك طريقة ينصح بها أحد المستشارين الأسريين لما يبدأ الرجل في الضرب ، ابكي و استلقي على الأرض لأن موقفا كهذا سيخفف من غضبه لأنه يحول فكره من شيء لشيء آخر لكن مرة ثانية فكري جيدا في الأشياء التي تزعجه فتجنبيها قدر المستطاع و أعلمي أنه يتعلم و يسمع من أصدقائه و كل واحد عامل نفسه سبع البورمبا لما يحكي عن تعامله مع مراته فاكيد هو مصدقهم و يحاول يقلدهم لأن هذا الإنقلاب المفاجئ إما من أصدقائه و تقليدهم أو من جسامة أخطائك أنت ، أو انك على طول لا تشعريه بكفايته من الإحترام و بالتوفيق أختي

من مجهول · Answer

يماااا انا هاي الشخصية بتصيبني بمرض نفسي اجيت ارتبط بواحد هيك اعتقد انه مريض نفسي وبده مهدءات لان والله اعلم رح يجننك ادرسي الموضوع بحذر هيك انفصامات ما بقدر الانسان الطبيعي الموزون يتحملها يا بتنجني وبتواجهيه بمستوى جنانه حتى تورجيه شو بورجيكي يا بتتركيه حتى يستوعب شو بعمل فيكي الله اعلم انك رح تكوني خايفة منه يقتلك في لحظة غضب مش قصدي اخوفك لكن والله كنت رح ارتبط بواحد عنيف جدا لدرجة الانفصام وكنت خايفة اتركه من ردة فعله لبيل ما مسكت عليه ممسك خلا اهلي يتركوني ياه اتخيلي مش انا اهلي لاني كنت خايفه منه لأ وبحكيلك بكل وقاحة انه انت اللي خليتيني اعمل هيك يعني لو غلط بحط الحق عليكي عبيل ما تصيري مقتنعة انه انت سبب المشاكل غسيل دماغ

من مجهول · Answer

اختي العزيزه عادتا الرجال الذين يتنرفزون بسرعه تكون قلوبهم طيبه ولايحقدون بعكس أصحاب رد الفعل البسيط ومن الحكمة انه عندما تشتعل النار ان لانصب عليها الوقود فاذا عصب هو انسحبي فورا كما يقول المثل شعره بين مجنون وعاقل لاتقطع اما عن كلامه عليك أثناء الزعل يعني ماذا تردين من واحد فاقد أعصابه وفي عركه معك مثلا يقرالك شعر غزل أو يغنيلك اكيد راح تسمعي كلام ما يسرك يااختي وكما يقولون الجنون فنون مع التقدير

من مجهول · Answer

انا من رأيي انك تخبري اهله و تحكي لهم عن كل تصرفاته معك خليهم يجلسوا معه ويفهوه غلطه يعني الا الضرب لا يمكن ان يسكت عنه ابدا

من مجهول · Answer

الحياة الزوجية اساسها الاحترام و انت بينك و بين زوجك ما في احترام ابدا لانه لو بيحترمك ما بيمد ايده عليك و لا بيجرحك بالكلام صارحيه بانه انت تعبتي من هذا الوضع و ما فيك تتحملي اكثر

من مجهول · Answer

لما يرجع يعمل هيك مرة ثانية اتركي البيت بالفعل و خليه يترجاك لحتى ترجعي يعني ما في غير هذه الطريقة لحتى يشعر بحجم غلطه مش معقول تكملي حياتك معه بهذه االاهانات و تبقي ساكته

من مجهول · Answer

يا عزيزتي يعني حتى لو عصبي هذا لا يبرر تصرفاته هذه انت زوجته و واجب عليه انه يحترمك و ما بيصير يهينك ابدا يعني الضرب هذا مش احترام ابدا انت لست جارية عنده

عند أقل غلط يضربني ويهينني!

شارك في الاجابة على السؤال

شارك في الاجابة على السؤال

فيديوهات ذات صلة

مقالات ذات صلة

خطيبي يضربني! أسباب العنف في مرحلة الخطوبة وآثاره

تفسير رؤية المتسول في المنام وحلم الشحات بالتفصيل

تفسير الميت يضرب الحي في المنام وحلم الميت يضربني

التعامل مع الطفل الذي يضرب أمه! الأسباب والحلول

ضرب الزوجة في المنام وحلم الزوج يضرب زوجته

زيت النمل ودم الوطواط لإزالة الشعر

اختبارات ذات صلة

اختبار الشخصية الحساسة: هل أنت شخص حساس؟

أسئلة ذات صلة

مقالات ذات صلة

احدث مقالات قضايا اسرية

احدث اسئلة قضايا اسرية

اسئلة من بلدك

شارك في اخر الاختبارات

اختبار حب الزوج: هل أحب زوجي فعلاً!

اختبار تجاوز صدمة الخيانة الزوجية للزوجة