زوجي يحاسبني على ذنب لم أفعله، ساعدوني لأعيد حياتي كما كانت!

جوزى يبقى ابن عم ولاد خالتى اعرفه من واحنا اطفال حبينا بعض واتخطبنا فى فترة الخطوبه حصل مشكله بسبب ان كان فيه شخص بيبعت رسايل حب ومكناش عارفين مين هو لغاية ما جوزى اكتشف انه ابن عمى والخناقه كانت كبيره بنهم بس مفيش حد من الاهل عرف بالمشكله نهائى وجوزى قالى اعتبرى ابن عمك مات لغاية كدا ومفيش مشكله صح اتجوزنا وجبت ولد عنده اربع سنين ونص ومفيش حمل حصل نهائى بعده مع ان مكنتش باخد منع الحمل وهو كان نفسه فى ابن او بنت كمان بس الموضوع مكنش بايدى وابنى كان بايت عند بابايا عشان كنا طالعين رحله معاهم للساحل هنقضى هناك كام يوم وجوزى كان موافق جدا وقالى اول ما اخلص شغلى هسافرليكوا وبابا قالى هنيجى ناخدك اجهزى قفلت مع بابا وجهزت فطار ليا انا وجوزى وبنجهز شنطتى والشنطه الى جوزى هيبقى يجى بيها وتلفونى رن من رقم غريب رضيت كان ابن عمى قالى عمى طلب منى اخدك انا مستنيكى تحت البيت جوزى اول ما اعرف اتخانق وقالى مفيش سفر ادايقت وقلتله الموضوع عدى عليه اكتر من خمس سنين حرام عليك انسى انا تعبت قالى وانا قلتلك مفيش سفر لو زوتى كمان يبقى مش قاعدلك فى البيت يا مدام قلتله انت شايف ان داه الحل قالى ومعنديش حل غيره ومشى وسابنى وانا بتكلم تعرفوا لو كان قالى بلاش تسافرى مع ابن عمك واستنينى على ما اخلص شغل ونسافر سوا كنت هوافق بس هو حسسنى انى مذنبه وهو بيعاقبنى زى ما بيصدر احكام فى شغله هو يبقى مستشار وان حرام ولازم اتحاسب على حاجة معملتهاش ساعتها خت شنطتى ونزلت ركبت ورا وابن عمى كان بيسوق ادام وعملنا حادثه بالعربيه وساعتها بس اكتشفنا ان كنت حمل فى شهر ونص والجنين مات مكنتش مصدقه وجوزى اول ما عرف بالى حصل جيه لينا المستشفى واطمن عليا وفضل طول فتره قعادى فى المستشفى معايا واول ما خرجت روحت على بيت جوزى وهو من يوميها مش بيكلمنى ولا بيبصلى حتى وابسط حاجة الاكل معتش بياكل اى اكل نهائى من ايدى وبينام فى اوضه الاطفال مع ابنى حتى هدومه هو الى بيكويها وبيغسلها وينشرها كمان حاولت اكتر من مره اعرفه انه مكنش بأيدى وان موت ابنى او بنتى قتلنى انا ام قبل اى حاجة بس هو منشف دماغه ومفيش فايده بقى مخلينى ام قاتله حاولت اقرب منه وابوسه واحضنه يمكن يحن بيبعد عنى ويخرج طول النهار ويرجع ساعه يغير هدومه وينزل يقعد فى كافيه مع صحابه ويرجع فى ميعاد نومى تعبت جدا من كل حاجه