زوجي لا أمل في إصلاحه ساعدوني

السلام عليكم انا سيده ابلغ من العمر 42 عاما وخريجة جامعه والحمدلله على قدرمن الجمال والتدين ويعلم الله ان الجميع يشهد لى بالاحترام والنضافه وحسن المظهر ويعطونى سن اصغر من عمرى واهتم بنفسى فى حدود امكانياتى الماديه فانا لا اعمل ومتزوجه من 20 عاما ولى ابنه فى الجامعه واخرى اصغر ومشكلتى فى زوجى فهو عصبى لابعد حد ولا يوجد عنده حوار فى اى شئ ولا تفاهم واى كلمه معه يقلبها لخناقه وزعيق مع انى بكلمه بمنتهى الهدوء وهو كده من اول الجواز وكثير النوم جدا ممكن ينام 15 ساعه يبدا يومه بذهابه للعمل ومهما استيقظ مبكرا لازم يروح الشغل متاخر يلبس بعصبيه وياكل بعصبيه والله حتى النوم بيبقى فيه عصبيه ويجى من العمل يتناول الغذاء وينام لتانى يوم يعنى من بعد العصر طبعا فى خلال الفتره دى مفيش صلاة ولو صحيته يصلى يولع الدنيا فبطلت اصحيه منعا للمشاكل ولو فكر يصحى ينزل يقعد مع زمايله ويجى ياكل وينام والله حاولت اتكلم معاه كتير واتحيلت عليه يسبلى بس نص ساعه فى اليوم يتكلم معايا فيهم ولكن لا حياة لمن تنادى مبيتكلمش مع بناته ولا بيهتم بيهم خالص ولا بطريقة لبسهم او صلاتهم بالعكس لو سمعنى بعلق على لبس حد منهم او على الصلاة بيزعقلى قدمهم ويقولهم دى مجنونه بالنسباله لو بنته نزلت شعرها باين من الطرحه عادى لبست شئ غير لائق عادى كله عنده عادى وطبعا ده انعكس على سلوك البنات وسلبيته معاهم خلاهم لو واحده عملت حاجه غلط وقولتلها متخلنيش اقول لبابا تقولى قولى مبيعملش حاجه غير اى شئ يحصل فى البيت او كلمه قولتهاله يقولها لاصحابه لدرجه عنده صاحبه عنده ابنه كويس ومحترم بقوله ياريت يتقدم لبنتى مدام كويس راح قال لابوه وغير النضافه الشخصيه ميهتمش بيها ابدا واسفه حتى قبل العلاقه يروح يشرب سجاير وتبقى ريحته كلها نيكوتين مع العرق واتكلمت ونبهته جبتله برفان وبرضو مفيش فايده والكارثه بيتقمص اى شئ بيشوفه بره او كلمه يسمعها اوحتى مشهد تلفزيونى القيه بيقول نفس الكلام اللى سمعه ولوواحد قاله انا عملت فى مراتى يجى يطبقه عليا انا تعبت خلاص ومش عارفه اعمل ايه خلاص معندوش كبير ودخلت اهلى بس طبعا مقولتش كل ده وبرضو مفيش نتيجه ومعنديش مورد رزق اصرف بيه على نفسى او على بناتى ولامكان اعيش فيه حاسه انى عايشه فى ذل وكسرة نفس وخاصتا بعد موقف حصل من سنه كان قاعد فى الشغل وفضل لبليل واكلمه يقولى عندى شغل واجى الاقى الاكل جاهز وانا فى البيت بفتح اللاب وبالصدفه كان ايميله مفتوح وشوفته قاعد بيتكلم مع واحده كلام بشع وكله جنس وعملت معاه مشكله كبيره وفى الاخر سكت بسبب برضو انى مش هلاقى حد يصرف علينا ومن يومها انعدمت الثقه نهائى وكسر اخر احترام كان بينا واسفه للاطاله