أشعر بالذنب لأنني لم أتدارك مشاكلي مع خطيبي!

سلام عليكم مشكلتى ان كنت قارية فاتحة بس الخطوبة متمتش وانفصلنا قبل الخطوبة .. دلوقتى انا عندى مشكلة ان ضميرى اغلب الوقت مانبنى ... هو الانفصال حصل من طرفه يعنى هو الى مكملش...بس انا بقالى فترة كبيرة لما بدأت اراجع مواقفنا حسيت انى كنت غلطانة فى حجات كتير وانى فعلا جيت عليه اكتر من مرة او على الاقل كان بأيدي اعدى مشكلة معينة مثلا بس انا كنت بقف عندها ... انا مش عارفة اعمل ايه هل اكمله واعتذرله بس انا مش حابة اعمل دة عشان ميفهمش انى بلمح اننا نرجع لانى فى نفس الوقت شايفة اننا مش متفاهمين اصلا وشبه مقتنعة ان حياتنا مع بعض هتبقى متعبة فانا مش عايزاه يفهم دة ... وكمان مشكلتى الأساسية معاه مكنتش فى اختلافتنا ولا مشاكلنا على قد ما كانت فى ردة فعله فى انه يسبنى عادى جدا ... فكل مشكلة تقريبا كان بينهى الموضوع وفترة يرجع تانى سابنى 4 مرات فالمشكلة الاساسية بالنسبة لى انى كنت حاسة اغلب الوقت انه مش متمسك بيا ... فانا دلوقتى مش عارفة اعمل ايه فعلا ضميرى تاعبنى واغلب الوقت بفتكر انى فعلا ضغطت عليه ... انا من الناس الى مبتحبش تكابر وحاسة انى مش عايزة اسيبه كدة ومعترفش انى فعلا غلط عشان حتى لو هزيت ثقته بنفسه فاقوله انى فعلا كنت غلطانة ... اعمل ايه انصحونى ؟؟؟