حياتي من سيء الى اسوء مع خطيبي

السلام عليكم ،،انا مشكلتي انو حياتي من سيء لاسوء مع خطيبي ، النا اربع شهور خاطبين وحياتنا كانت مافي احلى منها وبالنسبه للطرفين كانت اسعد ايام حياتنا ، كنا طايرين من الفرحه والدنيا مش واسعيتنا ، بس من جديد بسبب الضغوط الماديه وضغوط الحياه ومش عارفه ازا في اسباب انا مابعرفها ، خطيبي كتير صاير عصبي ومابتحمل كلمه ولابتحمل اشي ودايما بحاول احتويه واكون معه وكتير بجرحني وبزعلني بالكلام ويصرخ وبعصب بسرعه وبرجع بحكيلي انا اسف وانا ندمان وحقك علي ورح تشوفي مني ايام حلوه اعوضك فيها ومافي يومين الا برجع متل اول صراخ وعصبيه ونكد ، قررت اني اتحمل اي شي وكل شي لحتى نرجع متل اول لانو بالفعل للطرفين عم بتمر علينا اسوء مرحله بحياتنا ،، كل مايجي يزعلني صح برضى بس مش عم بقدر احبه متل اول صرت اختصره واقلل كلامي معو ومن قلبي مش عم بقدر اصفى ابدا ، بس ماببين الو والله بدايقني اني بكتم بقلبي وهوه مو حاسس ، نفسي ارجع احبه متل اول ارجع اثق فيه واصدقه ارجع احن عليه ، قد مايعمل مش قادره انبسط اشي بقلبي انطفى ، وانا متاكده انو هوه كمان زهق ، لساتنا باول الطريق وقلوبنا ماتت ، بدي حل كيف ارجع اعيش معو احلى ايام حياتي ويرجع كل شي متل الاول !!