طليقي يعاملني كأني زوجته !

السلام عليكم ورحمه الله وبركاته .. انا مطلقه معى اطفال عانيت مع زوجى كتير وكنت اعيش فى بيت عيله امه واخواته .. وصبرت واحتسبت كتير واخذت ورقتى بصعوبه . انا مطلقه من 3 سنين رفضت فكره الزواج ولكن فى هذه السنه وافقت على رجل احسبه على خير .. المشكله ان طليقى بيعاملنى كأنى زوجته لو خرجت او ذهبت الى اى مكان يسال رغم انى مطلقه منه ومعى ما يثبت ذلك واحنا خلاص ما ينفعش نرجع لبعض اولا انا اكرهه ثانيا لا احل له وقع 3 طلقات وهو غير مقتنع بذلك ويقول انا طلقتك علشان خاطر امى لا تزعل وهكذا كله بسبب الام والاخوه المهم .. هو غير مقتنع بوقوع الطلاق وحيتصرف كالمجنون معى يفتش ورائى يبحث خلفى لو عرف ان فى رجل متقدم لى وافقت عليه ممكن يتجنن .. حتى خطيبى هذا هو حبنى جدا بس للاسف دايما يقولى اتركى له الاولاد وحاسه انه بيغير من اولادى ... وانا لا باحبه ولا باكرهه عادى يعنى حاسه ان بداخلى شىء اتكسر ومش حيتصلح تانى نتيجه المشاكل اللى عيشتها ف زواجى وتحمل المسئوليه انا عندما اتطلقت كان ابنى الصغير عمره سنتين وكنت رافضه ارتبط الى ان يكبر ويعتمد على نفسه ف الاكل والشرب موقف اهلى سلبى دائما يحسسونى ان المطلقه دى جابت العار لاهلها علشان كده انا مستقله بحياتى واعيش لوحدى مع اطفالى .. والحمدلله باشتغل . وعايشه كويس . بس عندى صراع داخلى اريد الزواج ولا اريده وخايقه لو اتزوجت اندم الحمدلله على كل حال واعانى من تعلق الناس بى مثلا اى حد يتعرف على حتى لو صدفه عايز يتجوزنى واحد صحبتى زوجها ارسل لى رساله من ورا صحبتى وكنت فى موقف بايخ ومواقف كتير هذه الامور بتتعبنى اكتر .رغم انى منتقبه والحمدلله