كنت أنوي إرجاع طليقتي لكن خالتي أفسدت كل شيء

انا كنت متزوج من فترة وبعدين انفصلنا كانت عارفه ازاى تربى ٣ اولاد توأم من غير ما تشتكى كانت صديقة وحبيبه واخت وام كانت كل حاجة وكانت احلى حاجة فى دنيتى حياتنا كانت كويسة مشكلتنا انها كانت فى اى خناقة تطلب الطلاق هى كلمه بتقولها بدون قصد زى ما نقول كدا كلمه بتتقال ساعه غضب كنت بتلاشى الكلمه واكن مسمعتش حاجة وبعدها تتصالح وهى تعتذر لغاية ما فى مرة كنا عند قرايبنا وشدينا فى الكلام شوية دى كانت اول مرة نشد فى الكلام قدام اى مخلوق حاولت الطف الموقف وبقول اعمل فيها ايه تعبانى بس بحبها قبل ما قول بس بحبها لقيتها بترد قالتلى طلقنى ساعتها حسيت احساس مش قادر اوصفه بكلام ومع اول خناقة بعد دى وقالتلى تانى طلقنى ساعتها طلقتها هى فضلت مصدومه كان الولاد عندهم ٦ سنين واطلقنا بهدوء تام هى فى الاول مكنتش بتتعامل معايا حوالى سنه لغاية عيد ميلاد الاولاد واتقابلنا مع الوقت رجعنا نتعامل كويس فضلنا سنتين ونص علاقتنا كويسه وحسيت منها ومن كلامها انها ندمانه عن تصرفاتها وهى قالت كدا بنفسها وبعدين خالتى هى اللي مربيانى لان والدتى متوفيه فضلت تزن عليا لازم تتجوز لازم تعيش حياتك فى لحظة قولتلها خلاص ماشى شوفيلى عروسه كنت بقول كدا عشان تبطل زن مكنتش اقصد جد وفى نفس الاسبوع لقيتها مكلمانى بتقولى انا شوفتلك واحده كويسه وكلمت اهلها و هتتقابلوا وتتعرفوا مكنش ينفع اكسر كلمت خالتى وقابلت البنت دى مرتين وبعدين خالتى قالتلها لازم تتعرفى على عياله وراحت كلمت مراتى اقصد طلقتى من ورايا وقالتلها ان انا هخطب وعايز اخلى الاولاد يتعرفوا على خطيبتى مراتى رجعت تانى تتهرب منى ورفضت اى طريقة اعرف اتواصل معاها بيها وخلت كل تعاملى مع اخوها الصغير انا دلوقتى مش عارف خالتى عملت كدا ليه بعد ما الامور مشيت تانى كويسة مراتى معنتش عارف حتى اشوفها للعلم انا كنت بخطط ان اتقدملها ونرجع لبعض بس طريقة رومانسيه زى ما مراتى بتحب