كل البيت يتحاشى أختي بسبب كلامها وغيرتها الغير معقولة

مرحبا ًعندي مشكله ارجو كم كونو اخوانا واخواتا لي تعبانه حزينه منكسره متحطمه جداا عندي اخت ياليت ماكانت اختي تصغرني بخمس سنوات انا ٣٠هي 25من فتره خمس سنوات تقريبا سوت مشكله في البيت تخالف قوانين عايلتنا وانكشفت بالصدفه من قبل ماما واخواني وانا ومن يومها قاطعها البيت كله وكل يومين كانت تسوي مشكله اننا نتكلم عليها او نفتش دولابها ونسرق فلوسها وكانت تقول اكرهكم كلكم ماكانت تكلم غير بابا لان هو الوحيد اللي ماقالها بوجهها انها سوت غلط فقط كان يبكي ويتكتم على المشكله عشان تنتهي ً المهم في يوم من الايام في الوقت نفسه كنت جالسه واخواتي وامي نضحك نتفرج تلفزيون جات من وراي معاها سكين تبغى تطعني فجاه صرخت امي ومسكناها واخوي ضربها وابوي وداها عند دكتور نفسي كان عندها نفسيه وكانت تقول انو انا اجي اضربها لما تكون نايمه وانا والله ماسوي الاشيا اللي كانت تقوله كنت ابكي وخايفه منها جدا لدرجه اننا كنا ننام في غرفه ونقفل الباب بالمفتاح خوفا منها بابا كان ينام معاها وهو نوعا ما يخاف كمان بس كان ملزوم فيها اخواني يناموا بغرفه ويقفلوا وانا واخواتي وماما بغرفه ونقفل وشلنا السكاكين والشوك كله من الادراج المهم مرت خمس سنين وكانت مقاطعتني رجعت تكلم كل اهلي اللا انا قبل سنه تصالحنا بس احس قلبها مونفس اول حاقده جدا حسوده تكرهنا كلنا تضحك وتتكلم بس قلبها مو نظيف كل فتره تصطنع مشكله لوحده مننا اننا تكلمنا عليها او نعبي راس امي. عليها امي اصلا تكرهها عشان مشكلتها فهي تتخيل انه احنا بلفنا امي عليها اااه معكره علي حياتي اذا كنت مقاطعتها او مصالحتها ً تتكلم من وراي ماتحترمني تقول للناس انه انا السبب لعدم زواجها بحكم اني ماتزوجت لسع طيب الخطاب اللي يجو ا يخطبوني انا ايش ذنبي في هذا الموضوع انه مالها خطاب واحنا اساسا ٤اخوات انا وهي وا٢اصغر منها احنا ٣ بشراتنا بيضاء وقامتنا طوال وشعورنا اشقر وهي قصيره سمره شعرها اسود تغار من هذا الشي كمان دايما تقول انتوا سبب تعاستي تغاروا حاقدين وانا بالذات والله انا ماني شايله بقلبي عليها شي سامحتها على ارغم من اساءتها الدايمه لي ايش اسوي فين اروح تمنيت اموت ابغى حل تجيني نفسيه لو اشوفها تصالحت معاها خوفا من مشاكلها المتكرره تقول انتي تتكلمي من وراي مع امي وتسب امي وتدعي عليها بس مو قدامها الله يخليكم اذا تحسوا فيني ادعولي اخلص من شرها واتزوج قبل رمضان صبري نفذ كل البيت يتجنبوها اااه