هذا الذي حدث بحملي بسبب عمتي...!

عندي عمة كتير قاسية...من لما كنا صغار وهيه بتعاملني انا واخواني بعنف وقسوة...ياما طردتنا وبهدلتنا ومسحت فينا الارض...كنا صغار كتير وما نعمل اشي الا انه نبكي...احنا عشنا بوضع اسري سيء وبشع،ماما وبابا انفصلو وانا كنت اكبر وحدة باخواني كان عمري 7 سنين،اخوي سنة واختي 4 سنين،لسانها كتير وسخ علينا وكل ما تصير مشكلةبتدخلنا فيها وبتضل تدعي علينا،انا تزوجت...هلأ صار عمري19 كانت ضاربة اختي بنص الشارع والعالم بتبعد بينهم وهيه بتحكيلها يا قليلة الشرف هيك بدون سبب،ما تحملت حكيت انه صار لازم ادافع عن اخواني منها بعتتلها رسالة شو بدك بأختي ؟حلي عنا...والله لا يورجيكم كيف انفلت لسانها وضلت تبعت رسائل للساعة 3 بالليل...زوجي حدا كتير حنون ومتفاهم...عرف بالقصة وما علق...ومرة رحت اسلم ع تيتة وكنت حامل بالشهر السادس اجت هيه وتيتا هجمو علي ودفشوني دخلوني ب الحيط...وقتها صار معي نزيف وحكولي يا اجهاض يا ولادة مبكرة... عمتي عبارة عن شيطان ع شكل بشر...بجاهة اختي حبيت اجبر خاطر بابا واسلم عليها ،رفعت ايدها وهربت قالت لا لا ما بسلم...مع العلم انها بتضل تبعتلي ناس يجيبولها ابني لما نكون بمناسبة لإنها مشتهية تحملو وتبوسو...احكولي شو اعمل معها؟