خطيبي يخيرني بين الزواج به أو دراسة الجامعة والوظيفة

السلام عليكم انا بنت عمري ٢١ لما كان عمري ١٣ نقلنا من مدينه لاخرى بسبب تقاعد الوالد وانا مره اتاثرت وماتقبلت الحياه الجديده خصوصا انو اهلي ماراعو مشاعري من نواحي كثيره يبغوني اتعامل مع الوضع واختلاف الحياه والمجتمع كأنو ولا شي حتى الجامعه وعدوني بشي بعدين قالو لا ادخلي جامعة عبد العزيز زيك زي غيرك بس برضو صبرت لكن ولا شي فحياتي راضي يزبط لا دراسه لا سعاده ولا شي مهما اشد حيلي واجيب معدل برضو ماتتم مواضيعي وانا تعبت وسار ماليه نفس فاي شي جاني زي الاكتئاب كل يوم ابكي وانطويت لحالي وماسرت ابا اتعامل مع احد وطبعي اساسا كتوم وانخطبت حاليا وانا فالجامعه لكن اللي خطبني برضو يقولي اختاري يا تتوظفي وتبني مستقبلك يا تختاري الزواج انا ماعندي حريم يتوظفون ويبغاني اقرر ذحين وما افتح الموضوع بعد الزواج يعني مقصده يا انا يا تعيشين حياتك وانا فالحاله ذي احس اني من كثر ماتعبت ما ابغا احد يتدخل فقراراتي وابغا ابني نفسي بنفسي ومو عارفه اش اقرر تعبت ومعد اقدر انام يومين ثلاثه بدون نوم وصلت لمرحله معد ابغا اسوي شي بس ابغا اكون لحالي ومحد يكلمني