كيف أقنع أهلي أن حياتي بدون زواج أفضل؟

مرحبا أنا بنت عمري 24 سنة ومقضية أغلب وقتي لحالي بعمل واجباتي المنزلية مع أهلي وبتعامل مع الناس تمام وبحب عالمي الخاص دراستي الجامعية وكتبي ونشاطاتي وما بحس أنو في داعي للزواج ولا للحب , برأيي شوية أكل وشوية نوم وتعامل جميل مع الآخرين بيعطينا حياة حلوة , أهلي عم يلحوا عليي بدهن ياني اقبل بشب بدو يخطبني , أنا بحس الزواج صفقة خاسرة لكل الأطراف ومافي داعي إلو .. يعني ما بعرف ما عندي توق للجنس الآخر وما بدي تفهموا أنو عندي توق لجنسي لا سمح الله , بس فعلاً أنا ما عندي انجذاب نحو أي شخص أبداً , بتعامل مع الناس بطريقة رسمية ومرتاحة بحياتي وما بدي لخبطها , وكتير بزعل عالبنات اللي مستعجلين عالخطبة والزواج بحسن ضعاف وبس بدهن حدا يستندوا عليه , آسفة بحسن أحياناً أغبياء لأن الزواج برأيي هوة شهر عسل حلو والباقي هم ونكد وتعتير ومشاكل بين العائلات والأزواج , فبحس أنو بلا منو أحسن وبكامل قناعتي هالحكي حتى بحس أنو الأمومة حكي فاضي , يمكن أنا أنانية صح بس ما بأذي حدا وما بدي أتزوج لأن ما بحب المسؤولية ولا بحب عذب حالي , بحب ابقى لحالي, كيف بدي اقنع أهلي أنو ما بدي أتزوج ؟ الكل عم يلح عليي باستمرار , هاد تالت شب برفضو علماً أني متوسطة الجمال , على شو الناس بدا تخطبني ما بعرف! يمكن بحبو هدوئي أو يمكن بدن يخربولي حياتي الحلوة اللي عايشتا ما بعرف , شكراً إلكن