تفسير حلم السيارات وزحمة كبيرة

بقالي حوالي شهر بتجيلي كوابيس بحس اني متكتفه ومش عارفه اتحرك وبكون مدركه اللي بيحصل وبحاول استعيذ من الشيطان بس برضه مش بعرف غير بعد فتره وده تقريبا فضل يحصل كل يوم من غير فاصل حتي لدرجه اني بقيت اخاف انام لاني بحس اني متكتفه مخنوقه ومن ضمن الكوابيس دي ان كنت بجري في شارع فيه عربيات زحمه وكان في العربيه اللي بترفع الرمله دي مش عارفه اسمها ايه وبعدين اتزنقت بينها وبين عربيه وفجاه الايد اللي بترفع الرمله دي رفعتي ورمتي علي الارض وبعدين محستش بحاجه بعدين راح حد قال يلا نعيد الحته دي تاني ف اترفعت واتهبدت علي الارض تاني حسيت ان جسمي اتكسر وبعدين بدات احس اني بلف وانا نايمه في دايره لحد ما قربت اوصل علي حمام البيت عندنا لدرجه اني مكنتش عارفه افرق ده تكمله الكابوس ولا انا فوقت واعدت استعيذ من الشيطان وبرضه مكنش في فايده وكنت متكتفه ومش عارفه احرك لساني حتي وبعدين صحيت وبعدها برضه كل يوم كان بيحصل كابوس اني ابقي متكتفه ومش عارفه اتحرك وبعدين بقالي حوالي اسبوع كده مكنتش بحلم بحاجه لاني كنت بناام جمب ماما او اختي وامبارح حلمت بكابوس برضه ان في حد كان بيبوسني جامد جدا بس مش عارفه مين لدرجه ان حسيت اني سناني وجعاني جدا وكانت هتتكسر وكنت متكتفه برضه ومش عارفه استغيذ من الشيطان لحد ما صحيت وحسيت ان سناني وجعاني جدا ايه بقي ده عشان انا تعبت وبقيت مش عايزه انام عشان التكتيفه دي زباله اوي