زوجي حلم أني أطلب الطلاق

انا متزوجه من سنة وشهر وربي مارزقني ب اطفال مع ان لينا حوالي ستة شهور نحاولو ادعووولي نحمل حبايبي المهم مش هدا موضوعي .. بالأمس كنت قاعدة ف بيت اهلي وبايته عندهم لان زوجي طالع زردة مع اصدقائه المهم ف الليل وصلنا خبر ان اختي صارت مليونيرة وهيا فرحااانه هلبا وحتى حني فرحنالها هلبااا وانا تمنيت ربي يرزقني زيها حتى اني مع ان حالتي المادية الحمدلله تعتبر فوق الوسط المهم اجا الليل وحكيت مع زوجي واطمنت عليه وخلاص قالي بنرقد عشان انوض بكري لأن المنطقه اللي مزردين فيها بعيدة المهم صكر ورقد واني قعدت مع خواتي سهرنا وضحكنا وغيرنا جونا وبعدين هما رقدو وانا قعدت فايقه مش جايني نووم نفكر ف الفلوس وكيف ممكن نطلع فلوس هلبا بالحلال بس مش هدا اللي مسهرني انا ديما نسهر هكي المهم قعدت فايقه للساعه 7 الصبح وانا نفكر ف راجلي ومستاحشاته وقالقه من غيره لأني تعودت نرقد وهوا جنبي بعتله رسايل طبعاً هوا راقد ومارد عليا درت هاتفي سايلنت ورقدت المهم الصبح نضت لقيت مكالمات ورساله منه بعتلي (صباح الورد .. اعوذ بالله من الشيطان الرجيم حلم اخي اخي ) فهمت ان هوا حلم ب حلم مش تمام المهم طووول كلمته سألته شنو حلمت انشاءلله خير قالي كيف بنطلع تو لما نروح بيك نحكيلك قتله تمام بعدها بشوي فتح الفايبر وقعدنا نهدرزو ع الفايبر بعتلي صور الزردة وصور المنطقه ل فيها والجو تمام .. المهم بعد روح جاني طوول اول م ركبت للسيارة قتله احكيلي شن حلمت تووووا حكالي قالي حلمت بيك تبي تطلقي مني معش تبيني وانا نبكي ونقولك علاش بتسيبيني انا نبيك وانتي تقوليلي معش نبيك انا خلاص فديت منك معش نبي نعيش معاك وبعدين جاه خوه قاله خلاص سيبها المرا معش تبيك مشي هوا ركب ف بركطوطة ومشي بيها بعيييييد وتم الحلم انا قعدت نشبحله ومستغربه مع العلم زوجي شخصيته قوووية ونفسه عزيزة .. بس ف الحلم العكس المهم توا نبي نعرف شن تفسير الحلم انا سامعه قبل ان المرا لما تطلب الطلاق ف الحلم معناها طالبة الغنى والمال يعني معقولة يكون موضوع الفلوس أثر عليا للدرجه هادي انا ماعنديش مشكلة لو هكي بس ميكونش موضوع فراق بسسس وللعلم ان هادي تاني مرة يحلم بيا نبي نطلق منه ياريت اللي تعرف تفسرلي الحلم والله خايفه ☹️☹️☹️