حلمت أني ركبت سيارة زوج أختي

السلام عليكم رأيت في منامي إني راكبه سيارة زوج أختي وأختي كانت تجلس جنبي بالخلف وإسمها عفاف وبالأمام يجلس ثنتين حريم وسالت اختي عنهن قالت انهن اخوات زوجها ووصلنا إلى محل فنزلت له وكنت ابغى اشتري اغراض للبيت فاخترت ترمسين للضيوف شكلهم جميل ولونهن ابيض مع فناجيل للقهوه جديده وكاسات للشاي جديده وصينيه ومجموعه من الصحون واغراض اخرى وحاسبت عنها وكنت طالعه للسياره عشان يجيبونها وجاء البائع في المحل واعطاني كيس وقال هاذي عبايتك ففتحت الكيس الا عبايه جديده سوداء قماشها جميل وعليها زينه كشكل اوراق الشجر واطراف العبايه محدده بالوردي وكانت العبايه جديده ومكتوب على الكرت سعرها ٨٨ ريال وقلت وين المنديل حقها فأخرج منديل كبير سوداء وقماشها جميل ومزين طرفه بالدانتيل الأسود ونظر الى وجهي وكنت البس لثمه فأرسل البائع الثاني يجيب لي لثمه جديده فأحظرها واخذتها ومشينا واحنا بالطريق تذكرت ان فيه اغراض اشتريتها وما طلعوها وقلت بأرجع اخذها قالت اختي بعدين قلت راح يأذن وبعدين يسكرون المحلات لبكرا واخاف ما القى احد يجيبهن او ما القاهن بالمحل ورجع زوج اختي اخذهن ورجعت للبيت واخرجت العبايه اوريها امي واختي اللي كانت معي وأعجبتهن حيل حيل وقلت العبايه رخيصه اول مره اشتري عبايه بالقيمه هاذي دايم غاليات انا أنثى عزباء عمري ٢٨ سنه غير موظفه