حلمت اني في البيت

السلام عليكم ورحمة الله اختي رأت هذا المنام ارجوا منكم مساعدتي في تفسيره تقول اختي المتزوجة : ""حلمت اني عندكم بالبيت بس شكل الدار مش دارنا وامي قاعدة برا عند الباب مش متذكر شو بتعمل وانا سالتها ليش قاعدة عندك وقامت وفاتت جوا البيت بعدها اتصل بي استاذ من الجامعة بحكيلي كيفك امورك تمام ؟ حكيتله اه الحمد لله حكالي ديري بالك بس ما عرفت من شو ادير بالي وبعدها ابوي اجى ونزل طوب وخشب وحكى بكفي هيك لازم نبني وكانت اخواتي على زاوية التخت مكان امي واختي الثانية نايمة واختي الصغيرة صاحية وابوي حكى انه خلص الصغيرة خطبت وحكى اسم العريس كامل وبدأ يعمل بالبناء وينصب الخشب والحديد والجو كان شتا وجزء من الخشب وقع بعد ما اتبنى وبعدها انا وزوجي واولادنا رحنا ننام عالاسطوح,طبعا الاسطوح كان مثل زمان يعني ما تبنى عليه مثل اليوم وصحيت الصبح وكان حوالينا بحر كله مي وطين وبس شفنا هيك فهمنا انه المي اجت من عندكم من تحت وطلعت عنا فوق يعني الدار تحت غرقت بالمي ومش عارفين شو نسوي وبعد شوي طلع من المي حوت او سمكة كبيرة ما فهمت ايش هي وبتلحق في سمكة اصغر وبعدها المي نزلت كلها راحت جوا حفرة والسمك راح معها فقمت انا انزل عندكو لاعرف شو في وتركت اولادي مع زوجي ونزلت شوي شوي كنت خايف يكون في مي بس كانت رايحة ولقيت اخواني الثنين قدامي واظن اخوي الثالث الصغير كان عالارض نايم بس بيكح "" ارجو تفسير الحلم...