علاقتي مع أهل متوترة بسبب عصبيتي الغير مبررة

السلام عليكم انا بنت عمري 18 سنة اكبر اخوانها واخواتها اهلي والحمدلله مو مقصرين معايا لا ماديا ولاحتى معنويا بس عندي مشكلة ومني قادرة افسرها الي هيا تصرفاتي مع اهلي مرة غريبة يعني مع صحباتي اكون مرةة كويسة واجتماعية ومحبوبة بس احيانا مع اهلي مدري ايش يصرلي والحالة تجيني مرتين او اكتر كل فترة بقلكم كيف يعني مثلا مرة سويت حواجبي وخربت حاجبي الايمن قامت ماما قالتلي حلو عليكي مو واضح قمت عصبت عليها كيف تقلي حلو وهوا مو حلو واقلها مو حلو انتي قلتي بس عشان تسكتيني وبكيت وبعدها نددمتت يعني فوق ماانها بتهديني كيف اسوي كدا وكمان مرة جيت برتب البيت جات ماما تساعدني قمت عليها قلتلها تبي تشتغلي اشتغلي لحالك وسويت غرفتي بس وجلست بعدين قلت في نفسي ليش سويت كدا يعني مافي اي مبرر وندمت كالعادة وبابا علاقتي معاه مرةة قوية بس مدري ليش احيانا لمن نتناقش احب اعارضو يعني يكون رأيي ضد رأيوو مااعرف ليش ومواقف كثيرة ناسيتها مااعرف تفسيرها وبعد ماتروح الحالة اصير زي الفل ضحك ومزح وحتى لمن اسكت اهلي بقولو اتكلمي طفشنا بدرن كلامك ،،،، وفوق كل دا ماشاءلله اهلي مو مقصرين معايا يعني انا بيت اسرار ماما وتعاملني احسن معاملة وقرة عين بابا ويعاملني احسن معاملة بس انا ليش اتصرف احيانا بالهشكل؟ ابا توضيح