زوجي ينكر خيانته وأنا أفكر بالطلاق، ساعدوني

متزوجة منذ 17 عام وعندي طفل الحمدلله موظفة وجميلة ولا ينقصني شيء وباعترافات زوجي الحمدلله غير مقصرة معه ومهتمه به ومطيعة جدا احب زوجي كثيرا و لا ارفض له طلب مهما كان ، زوجي لديه ايجيابيات كثيره ويحبني جدا وفي نفس الوقت يخونني ماهو السبب لا اعرف منذ ان تزوجنا وانا اجد خيانات على هاتفه وادعيله بالهدايه وما عمري فتحت الموضوع معه خوفا على مشاعره واحكي مو مشكله آخرته يمل من هالموضوع وفعلا يترك فتره بسيطه وبرضو يرجع اخر شي ماقدرت اتحمل واجهته بالموضوع صار يصرخ وانكر بشده وانو انا فاهمه الموضوع خطا سالته قصرت معك شي...الجواب انت ما الك علاقة بالموضوع ونام ولا كانو في شي وانا من اسبوع دمعتي مانشفت والمصيبة هو زعلان وماحاول حتى يراضيني ولساتو بخون كنها صارت شغلة جكارة طيب انا كل هل العمر ساكته وما حكيت ولما طلعت اللي بقلبي قلبت ع راسي ،علما عندي اهلي بامكاني ارجع لعندهم واكمل باقي حياتي عندهم مش عارفة شو اعمل وانا من الناس مابحب حد يعرف مشاكلي ولا ا سيء لزوجي امام اي شخص ، غريبة طبع الرجال الست اللي بتحبك وبتصونك وقايمه بكل حقوقك ومو مقصرة بشي جزاتها الخيانه ...طبعا خيانه المسجات لا تعتبر خيانه بالنسبة الو ....طيب اللي بدك تحكيه مع بنات الناس والرومانسية اللي عندك مو زوجتك احق فيهن .،والله مو عارفة شو اعمل افاتحو بموضوع الطلاق ولا اصبر حلوها الله يريح بالكم