تعامل زوجي معي جعلني أكرهه وأنفر منه

السلام عليكم ارجوا عدم اظهار الاسم انا متزوجه من ١٥ سنه تزوجت وعمري ١٨ وزوجي كان عمره ٢٥سنة زوجي ملتزم محافظ على الصلاه وكل تعاليم الدين لكن النظر للنساء ومحادثتهم ما بيتركها ابدا رغم انه يشوفني جميله والكل يشهد بهذا الشي ولما اواجه ليه تحادثهم وتشوفهم يخبرني انه يبي يزوج وحده ثانيه لان المرأه الوحده مابتكفيه زعلت وصبرت وقلت امر الله لكن المشكله انه له على هذه السالفه ٦سنوات كل يوم كلام جوال وفيديوهات ورسائل وانا اعرف ويجي يقول لي شوفي شكل هذه وهذه شوفي ايش بتقول وكل فتره معه واحده جديده متواصل معاها ويخبرني وش يقولون ويوريني صورها وكل شي عنهم اعصب واقول له لا تخبرني عن شي يقول انا اعتبرك زوجتي وصديقتي وكل شي عشان كذا اخبرك بس اسلوبه خلاني اكره وانفر منه تعبت كثير واتمنى انه يزوج وحده تذوقه اللي ذوقني لاني حتى اذا عصبت وزعلت يزعل ويرجع الحق له وحصل كثير ومد يده عليا بسببهم عندي اربعه اطفال مابقدر اتركهم ابدا صعب عليا جدا قلبي ما يتحمل كل هذا الصبر منشان اولادي والمشكله طول الوقت مشغول معاهم وكل فتره وحده غير وفي النهايه يقول ماعجبتني ويرجع يشوف غيرها وكذا لحد هذا الاسبوع حصل وحده اتفق معاها على كل شي البنت موافقه يعقد عليها عبر التلفون وتجيه طياره انا خلاص ما عاد اغار عليه كثير بسبب كثرة اللي مروا عليا منه وقناعتي منه انا اتخذت قراري انه اول مايعقد بتركه وبحاول اعيش مع اولادي لاني ماعاد فيا اتقبله هو يجي عندي يقول احبك وما اقدر اعيش بدونك وانتي اللي حببتيني في النساء لكن انا صرت مابصدقه لانه افعاله كلها عكس كلامه وش الحل هل اصبر حتى لو تزوج ولا ابعد عنه بس اذا راح ابعد عنه انا بروح دوله غير الدوله اللي هو منها واولادي مابقدر اشوفهم مره ثانيه وقلبي مايقدريتحمل بعدهم بس فعلا تعبت وانا قاعده اصبر على ايش مافي شي مخليني اصبر عليه الا الاولاد ودي اموت عشان ما اتعذب ببعد اولادي انا ودي يزوج صار ودي فعلا يزوج ابي ارتاح منه ابي اعيش مع اولادي لحالنا بس خايفه يجي يوم يقول لا دام انفصلتي عني ماراح تقعدي مع الاولاد تعبانه والله وحاسه اني مالي قيمه ومتحسره اني صبرت من زمان حتى هذه اللي يبيها اقل مني جمالا وتزوجني وانا محجبه لانه ملتزم وهذه متبرجه ابي نصيحه اقدر اتخذ بها قرار او يساعدني وجزاكم الله خير