حياة زوجي انقلبت من سن اليأس لمراهقة متأخرة

Question

هل بعد الستين مش من حقنا نشتكي لاننا خلاص قربنا من الموت اسفه علي المقدمه لاني قرات مشكله واحده عندها ستين سنه والكل هاجمها وقالها روحي موتي طيب انا دلوقتي عندي تلاته وستين سنه وكنت قبل كده مبسوطه ومعنديش مشاكل وجوزت ولادي وافتكرت اني بعد كده حرتاح خلصت من المسؤليه وحعيش للصلاة والعباده حتي ينتهي عمري لكن بعد العمر ده كله ابو عيالي الراجل المحترم الحاج الكبير واحده كانت شغاله عنده في الشغل لفت عليه نسي نفسه ونسي سنه وحلق ذقنه ودخل في مراهقه متاخرة وهو جبار ومفتري بطبعه بدا يدخل البيت عصبي وبدا صوته يعلي عليا وعلي اولاده في بيوتهم وبقي يتصل بيهم ويقولهم كلام مشبن عليا ولو حد منهم قالو ميصحش يروح شاتموا ولو حد من ولاده جه عندنا في البيت يطردوا بره وبقي يطردني من البيت بالليل وانا عمرى ما بت عند اولادي مبقتش عارفه اروح فين واشتكي لمين وبتكسف من الناس وانا في السن ده والست دي سيطرت عليه عشان فلوسه ومحدش قادر يبعدوا عن الست دي وبقي يصرف عليها وعلي عيالها ومغرقهم في الخير واحنا فاضحنا بلبسه ومظهره المتصابي وسيرتنا بقت علي كل لسان حتي بناتوا لما عارضوه بقي يروح الشغل بتاعهم وبشتكي لزمايلهم ويتكلم عليهم كلام جارح وسيرتنا بقت علي كل لسان ولو حد اتصل بالست دي يرجع يكسر عليهم البيت احنا اتفضحنا

المدربة جينيا الصباغ · Accepted Answer

عزيزتي المرسلة اهلا بك ، بكل أسف يا سيدتي بعد وصوله الى هذا العمر والذي من المفروض ان يستمتع بصحبتك وأحفاده ان ينقلب الى عمر المراهقة ولا يحفظ سنه ويحافظ على مظهره وسمعته وسمعة بناته واولاده بل وأكثر من ذلك يقوم بطردك في منتصف الليل سيدتي انت زوجته وهذا بيتك ولا تخرجي منه حتى لو قام بطردك وان لم يعجبه الحال فليترك البيت هو واجمعي اولادك وبَنَاتِك وأشقاءه ليتحدثوا معه جميعا في هذا الموضوع لعله يعود الى صوابه كان الله في عونك وفقك سيدتي

من مجهول · Answer

ابعدى عنه يا فى سكن تانى لوحدك يا عند حد من عيالك كفايه بهدلة وفضايح وسيبيه لما يرجع لعقله او يموت وينتهى امره

من مجهول · Answer

احجروا عليه اللي مش عارف قيمة نفسه و ما صان سنه و لا احترم شيبته و أولاده و نفسه و زوجته لا يستحق الا الحجر

من مجهول · Answer

اعرضوه على طبيب نفسى لان ممكن يكون عنده تصلب شرايين بالمخ تؤدى لهذه الاعراض وتحتاج لعلاج سريع

من مجهول · Answer

الله يهديه و يرجع لطريق الصحيح مراهقة متاخرة و الشهوة الحرام

من مجهول · Answer

عليك بقراءة سورة البقرة فى البيت يوميا وعلى المية إللى بيشربها وحتشوفى نتيجة سريعة بإذن الله وده عن تجربة وربنا يفك كربك

من مجهول · Answer

اختى عليك بالصلاة و الدعاء في منتصف الليل و الاحتساب و الدعاء بأن يرجع زوجك إلى رشده لأنك حولت شتى الطرق مع أبناءه و بناته و يبعد مثل هؤلاء النسوة مدمرات البيوت العامرة و المتطفلات على البيوت الأمنه و ان يجعل كيدها في نحرها و يصرفها عنك أكثر من الاستغفار و الحوقلة بإذن الله راح يرجع زوجك لرشده و الله يهدي لسواء السبيل ولا حول ولا قوة إلا بالله

من مجهول · Answer

دا يتحجر عليه ويتعلم ازاي يعامل رفيقه دربه كويس وعلي اولاده الصبر والصلاه

من مجهول · Answer

يا حاجه لا يوجد ما يجبرك على تحمل اذاه اتركيه يذهب الى حيث يشاء ان اراد الزواج فليتزوج فلن يضيرك شئ اتركيه ولا تحاسبيه وكونى عاقله فى تعاملك مع المشكلة لن تفرق معك بياته عندها تتحمل قرفه وانت فى بيتك معززه مكرمه ولا تحرضى اولادك ضد ابوهم فلن يرثوه غصب عنه ولن يحجروا على تصرفاته وهو بكامل عقله لكن شهوته تحكمه الافضل له ان يتزوجها بدلا من الفضايح ولو اولادك أذكياء كانوا اقنعوه بالزواج العرفى فان مات لن ترثه وانت كانك لا تعلمى بالامر واحفظى سمعةاولادك وزوجك

من مجهول · Answer

سيدتي الجميله بكل مراحلك العمريه انتي رائعه وجعني من يقول للستيني او حتى التسعيني موووت ماذا بقي لك الاعمار بيد الله ولكل عمر جمالياته سيدتي واختي انتهى مشواركم في تربية الابناء ويبدو ان زوجك الجدي غيرته امرأه وجعلت منه اضحوكه كما قلتي دعيه وشأنه وليعيش ما تبقى له من عمر كيفما شاء ولكن بعيدا عنك واسعدي انتي باولادك واحفادك ولمتكم مع بعض اولاده لا سلطان لهم على ابيهم مهما كانت تصرفاته الا احترامه وتقديره ومسايرته قدر المستطاع حتى يعود لصوابه

من مجهول · Answer

في ناس تجيها صحوة ماقبل الموت وناس والعياذ بالله يكون هذا حالها من خلال قصة مشابهة لقصتك جدا حصلت لست محترمة جدا، وزوجها تمادى وطردها مالبيت اخر عمرها وطلقها وطرد اولاده وتزوج اللي خذت عقله عشان فلوسه، وبعدها بفترة بسيطة جدا مرض وبترو ساقه وترمى في الفراش والعروسة طفشت وسابته ووسط ناس ورجع زوجته وبعدها مات وهي فضلت في بيتها واولادها برو بها، الغريب ان كل الاحداث هذي تلاحقت بشكل سريع في اقل من سنه انا لا افتي ولا اتنبا انو زوجك رح يموت ولكن لا تسيبي بيتك ولا تجي عاخر غمرك تخسري كل تعبك، الله يكون في عونك ويصبرك

من مجهول · Answer

جمعي اولادك واحكي معه بالاحسان وازا ما فهمش اترضوه من الدار واضربوه خليه يصحى على حاله

من مجهول · Answer

يتعدد الابتلاء وهذا ابتلاء نرجوا لك الشفاء منه عاجلا غير اجلا

من مجهول · Answer

خلي واحد من ولادك يكتب كتابه عليها وويطلقها بعد هيك ما بتحل اله لو شو ما عمل

من مجهول · Answer

زوجيه بهذه المراة و ارتاحي و يرتاح هو و تعود الامور الى مجراها هذا هو الحل

من مجهول · Answer

نصيحة احجروا عليه احسن و حددوا اقامته لانه يحتاج وقت بعيد عنها حتى يرجع لعقله

من مجهول · Answer

بالتأكيد ده سحر

من مجهول · Answer

هو بيعمل كل هالاعمال لحتى تقولوا له خلاص روح تزوجها هو عايز كده خلص يروح ويتزوجها ويتحمل مسؤولية صبيانيه وسفهه بعد هالعمر

من مجهول · Answer

كان الله في عونك بس الحل الي عندي انك تطلقي منه وتقاطعيه انتي وعيالك عشان هو خلاص مش حيرجع عن غيه للاسف الست دي لحست مخه خلاص خيري يعيش عندها وخلاص اخلصي منه سبيه لنفسه لانكم عاجزين ان تردوه عن مايفعل الا ان تحجرو عليه فلمحكمه للخلاص منه والحفاظ عل امواله اومابقي منها

من مجهول · Answer

خليه يتزوجها تنتهي المشكلة انتي شجعيه على الزواج لاتقفي امامه وخلاص انتي كبرتي تفرغي لصلاتك وعبادتك اما اذا انتي رهقتي مثل زوجك لاتدعيه يتزوج

من مجهول · Answer

اهلا يا خالة ما شاء الله عنك تتقني استخدام التكنولوجيا ربنا يبارك في صحتك يا خالة هم الناس بيقولوا لا تشتكوا وانشغلوا بالطاعه الكلام هذا عفوا لما تيجي واحده كبيرة وتقول زوجي ما بيسمعني كلام حلو وزوجي مش رومنسي وبتكون هي وزوجها تعدوا الستين هنا احنا بنقول انشغلوا بالطاعه لكن مشكلة مثل حكايتك والله حقك ونص يا خالة انك تشكي بس اقولك انسيييه فترة طيش وبيرجع والفلوس ربنا بيعوضك فيها وبيتك لا تتخطي عتبة بيتك قولي له مش حخرج من بيتي غير على قبري ربنا يكون في عونك

من مجهول · Answer

لا تحزني بعد لن تأخذ المال منه ستتركه وقد يصاب بنوبة قلبية أو جلطة، لأني سمعت الكثير من هذه القصص، ليس هناك امرأة شابة تتزوج رجلا كبيرا في السن إلا لانها تطمع في ماله وعندما تأخذ ما تريد تتركه،لكن انتبهي حتى لا يكتب لها كل شيء ويتركك أنت واولادك ،صدقيني مثل هذه النساء اول ما تعرف أنه يحبها ولا يرفض لها طلبا تطلب منه أن يكتب لها أرض أو بيت باسمها الله يصبرك ويفرج همك ويهدي الحاج

من مجهول · Answer

بكرة تروح السكرة وتيجي الفكرة ، بكرة هيروق ويعرف الحقيقة ويعرف انه كانت بتضحك عليه وكان طايش على كبر معاها بس المهم انتي دلوقت اتركيه يعمل الي هو عاوزه ولا تسأليه وبكرة هيحس انها طمعانة فيه فقط ويتركها ويعود لبيته

من مجهول · Answer

وكليها لله وادعي ربك ان يهديه ويبعد عنه ولاد وبنات الحرام ، معلش يا حجة هو شوي كدة تلاقيه مغرم فيها وبكرة يعرف الحقيقة ومتهونش عليه ام العيال وشريكة الحياة

من مجهول · Answer

لا حول ولا قوة الا بالله العلي العظيم ، بصراحة الواحد مش عارف شو يقول الله يهديه يارب ، بصراحة انا مش عارف شو اقلك يا حجة لاكن البنت لفت عليه وضحت عليه وهيا اكيد ما بتحبه بس تحب فلوسه ، لاكن انتي بتقولي ان مش مستحمل يكلم حد فيكم ولا يسمع كلمة حد منكم ، طيب ليه ما تحاولي انك تحكي مع حد من اصدقائه جيرانه اي حد يمكن يسمع منهم ويعرف ان البنت دي بتضحك عليه

من مجهول · Answer

في مثل يا حجة بيقول بيموت الزمار وايدو بتلعب والباقي عندك

من مجهول · Answer

يا حجه ربنا يعينك ويصبرك يعني رجال فوق الستين حيعمل ايه بالزواج تلاقيها تزوجته عشان الفلوس فقط غير كذا هذا لا يصلح للزواج وبالنسبه لك هو مش من حقه يطردك ابدا احكي له يروح يغور يعمل اللي عاوزه لكن بيتك ما تخرجي منه ابدا وانت انشغلي بالعباده والطاعه واصبري يا حجه واحتسبي الاجر انك بتربي اولاد زوجته اعتبريها صدقه وتجنبوه انتي وعيالك اخرته حيرجع لصوابه وعقله ويرجع لك

حياة زوجي انقلبت من سن اليأس لمراهقة متأخرة

شارك في الاجابة على السؤال

شارك في الاجابة على السؤال

فيديوهات ذات صلة

مقالات ذات صلة

طرق علاج اليأس من الحياة والتخلص من الإحباط

أسباب نزيف الرحم بعد سن اليأس وطرق علاجه

أسباب الانتحار وأعراض ما قبل الانتحار

أعراض جفاف المهبل (تجربتي مع جفاف المهبل عند العلاقة وزوجي يشتكي من جفاف مهبلي)

أسباب الهبات الساخنة عند الفتيات والنساء والرجال

أسباب مرض البُهاق وأعراض البهاق وعلاجه

اختبارات ذات صلة

اختبار الشخصية الحساسة: هل أنت شخص حساس؟

أسئلة ذات صلة

مقالات ذات صلة

احدث مقالات الثقة بين الزوجين

احدث اسئلة الثقة بين الزوجين

اسئلة من بلدك